- దుర్గంచెరువులో తేలిన డెడ్బాడీ
మాదాపూర్, వెలుగు : మాదాపూర్ దుర్గం చెరువులో ఓ గుర్తుతెలియని మహిళ డెడ్ బాడీ దొరికింది. శుక్రవారం మధ్యాహ్నం 12.30 గంటల సమయంలో చెరువులో డెడ్బాడీ తేలడంతో స్థానికులు చూసి మాదాపూర్ పోలీసులకు సమాచారం అందించారు. అనంతరం మహిళ డెడ్ బాడీన చెరువులో నుంచి బయటకు తీసి పోస్టుమార్టం కోసం ఉస్మానియా ఆసుపత్రికి తరలించారు. ఈ నెల 2న ఆ మహిళ(40) కేబుల్ బ్రిడ్జి నుంచి దూకి సూసైడ్ చేసుకున్నట్లు పోలీసులు గుర్తించారు. ఈ మేరకు కేసు నమోదు చేసి దర్యాప్తు చేస్తున్నారు. మహిళ వివరాల కోసం ఆరా తీస్తున్నారు.
