హైదరాబాద్ గచ్చిబౌలి లో దారుణం జరిగింది. యువతిపై కత్తితో దాడి చేశాడు ఉన్మాది. ఈ ఘటనలో యువతి దీపన తమాంగ్ చనిపోయింది. మరో ముగ్గురు తీవ్రంగా గాయపడ్డారు. బెంగాల్ కు చెందిన దీపన తమాంగ్ నల్లగొండ అపర్ణలో బ్యూటీషియన్ పనిచేస్తోంది. తన స్నేహితులతో కలిసి గచ్చిబౌలి గోపన్ పల్లి తండా దగ్గర నివాసం ఉంటోంది.
అయితే కొంత కాలంగా పెళ్లి చేసుకోవాలంటూ దీపన తమాంగ్ వెంటపడుతున్నారు కర్ణాటకు చెందిన రాకేశ్. నిన్న రాత్రి దీపన ఇంటికి వెళ్లిన రాకేష్.. కురగాయల కత్తితో ఆమెపై దాడి చేశాడు. అడ్డుకోవడానికి ప్రయత్నించిన దీపన తమాంగ్ స్నేహితులపై ఎటాక్ చేశాడు. తమాంగ్ స్పాట్ లో చనిపోయింది. ఆమె స్నేహితులకు తీవ్ర గాయాలయ్యాయి.
తర్వాత రాకేశ్ మొయినాబాద్ సమీపంలోని కనకబమామిడి దగ్గర ఆత్మహత్యకు పాల్పడ్డాడు. కరెంట్ పోల్ ఎక్కడానికి ప్రయత్నించడంతో విద్యుత్ షాక్ తగిలింది. ప్రస్తుతం హాస్పిటల్ చికిత్స పొందుతున్నాడు. పోలీసులు కేసు నమోదు చేసి దర్యాప్తు చేస్తున్నారు.
