ధర్మారం, వెలుగు: మిషన్ భగీరథ నీరు సక్రమంగా రావడం లేదని ఆరోపిస్తూ పెద్దపల్లి జిల్లా ధర్మారం మండలం లంబాడితండా(బి) గ్రామానికి చెందిన అజ్మీర రవినాయక్‌ మంగళవారం ట్యాంక్ ఎక్కి నిరసన తెలిపాడు. కొన్ని రోజులుగా వాటర్ రావడం లేదని అధికారులకు ఫిర్యాదు చేసినా పట్టించుకోవడం లేదని బాధితుడు ఆరోపించారు.
అధికారులు అక్కడికి చేరుకొని నీరొచ్చేలా చర్యలు తీసుకుంటామని హామీ ఇవ్వడంతో రవి కిందికి దిగాడు. దీనిపై జీపీ సెక్రటరీ సుమలత మాట్లాడుతూ కరెంట్ సమస్యల వల్ల భగీరథ నీటిని సప్లై చేయడంలో అవాంతరాలు ఏర్పడుతున్నాయన్నారు. బుధవారం నుంచి సక్రమంగా నీటిని సప్లై చేస్తామన్నారు.
