రాయికల్, వెలుగు: పొలం దున్నుతుండగా ట్రాక్టర్ బోల్తా పడి యువకుడు చనిపోయిన ఘటన జగిత్యాల జిల్లాలో జరిగింది. పోలీసులు తెలిపిన ప్రకారం.. రాయికల్ మండలం రామాజీపేటకు చెందిన ఇద్దం నవీన్రెడ్డి(27) తన పొలంలో నాటేసేందుకు కేజీ వీల్స్‌ ట్రాక్టర్‌‌‌‌తో బుధవారం దున్నుతుండగా బురదలో దిగబడింది.
బయటకు తీసే ప్రయత్నంలో బోల్తా కొట్టి నవీన్ మీద పడింది. దీంతో అతడు బురదలో కూరుకుపోయి ఊపిరాడక స్పాట్ లో చనిపోయాడు. మృతుడికి భార్య, ఐదేండ్లలోపు కొడుకు, కూతురు ఉన్నారు. నవీన్ డెడ్‌‌బాడీని పోలీసులు పోస్టుమార్టం కోసం తరలించారు.
మృతుడి తండ్రి ఇటీవల చనిపోగా ఆయనే ఇంటికి పెద్ద దిక్కుగా ఉన్నాడు. నెలల వ్యవధిలో తండ్రీ కొడుకు చనిపోవడంతో ఆ కుటుంబంలో తీవ్ర విషాదం నెలకొంది.
