పద్మారావునగర్, వెలుగు: తార్నాక మెట్రోపిల్లర్ సమీపంలో గుర్తు తెలియని వెహికల్ ఢీకొని యువకుడు మృతి చెందాడు. చిలకలగూడ ఎస్ఐ పి.కిషోర్తెలిపిన ప్రకారం.. భోలక్పూర్ కు చెందిన యువకుడు మోహిన్ సుల్తాన్(28), మల్కాజిగిరిలో చిరు వ్యాపారం చేస్తుంటాడు. బుధవారం రాత్రి ఫ్రెండ్బర్త్ డే వేడుకల్లో పాల్గొని తెల్లవారుజామున 3 గంటలకు తార్నాక నుంచి ఇంటికి వెళ్తున్నాడు.
మెట్రో పిల్లర్ నంబర్1084 వద్ద యూటర్న్ తీసుకుంటుండగా గుర్తు తెలియని లారీ ఢీకొట్టి వెళ్లిపోయింది. తీవ్రగాయాలపాలైన సుల్తాన్ను 108 సిబ్బంది పరీక్షించి చనిపోయినట్లు తెలిపారు. మృతుడి సోదరుడు మన్సూర్సుల్తాన్ ఫిర్యాదుతో కేసు నమోదు చేశామని ఎస్ఐ తెలిపారు.
