- కామారెడ్డి జిల్లా సిద్దిరామేశ్వరనగర్లో ఘటన
కామారెడ్డి, వెలుగు: కామారెడ్డి జిల్లాలో డబుల్బెడ్రూం ఇల్లు రాలేదని ఓ యువకుడు గ్రామ పంచాయతీ ఆఫీసులో ఫర్నిచర్పై పెట్రోల్ పోసి నిప్పంటించబోయాడు. వెంటనే సర్పంచ్, అక్కడున్న మరికొందరు అడ్డుకోవడంతో ముప్పు తప్పింది. స్థానికుల కథనం ప్రకారం..భిక్కనూరు మండలం సిద్దిరామేశ్వరనగర్కు చెందిన గంధం రంజిత్మంగళవారం గ్రామ పంచాయతీ ఆఫీసుకు వచ్చాడు.
అక్కడ సర్పంచ్ జనగామ శ్రీనివాస్, వీడీసీ ప్రెసిడెంట్బోనాల శ్రీనివాస్, మరికొంతమంది మాట్లాడుకుంటున్నారు. తమ కుటుంబానికి డబుల్ బెడ్రూం ఎందుకు ఇవ్వలేదంటూ రంజిత్ సర్పంచ్తో వాగ్వాదానికి దిగాడు. దీనికి సర్పంచ్‘మీ అమ్మ పేరిట ఆల్రెడీ ఇల్లు అలాటైంది. గ్రామానికి 8 ఇండ్లు అలాటైనా సర్కారు నుంచి ఆర్డర్స్ రాలేదు’ అని చెప్పాడు. అయినా, వినిపించుకోని రంజిత్ కావాలనే ఆలస్యం చేస్తున్నారని అక్కడి నుంచి వెళ్లిపోయి కొద్దిసేపటి తర్వాత పెట్రోల్ డబ్బాతో వచ్చాడు.
సర్పంచ్ బయట మాట్లాడుతుండగా లోపలకు వెళ్లి ఫర్నిచర్పై పెట్రోల్పోసి నిప్పటించాడు. ఇది చూసిన సర్పంచ్, మరికొందరిపై లోపలకు పరిగెత్తుకు వచ్చి మంటలు ఆర్పివేశారు. ఈ ఘటనలో కొన్ని ఆఫీసు పేపర్లు కాలిపోయాయి. రంజిత్ తనపై కూడా పెట్రోల్ పోశాడని సర్పంచ్ఆరోపించాడు. సర్పంచ్, ఆఫీసర్లు భిక్కనూరు పీఎస్లో ఫిర్యాదు చేశారు.
