బ్యాచిలర్స్ తమకి కాబోయే లైఫ్ పార్ట్నర్ గురించి ఎన్నో ఊహించుకుంటారు. ఫలానా క్వాలిటీస్ ఉండాలని కలలు కంటారు. అందుకు డేటింగ్ యాప్స్, మ్యారేజ్ బ్యూరోల్లో వెతుక్కుంటారు. లేదంటే తల్లిదండ్రులు చూసిన సంబంధానికి ఓకే చెప్తారు. కానీ, లండన్లో ఉండే ముహమ్మద్ మాలిక్ అరేంజ్డ్ మ్యారేజ్ నుంచి తప్పించుకునేందుకు వెరైటీగా ఆలోచించాడు.‘సేవ్ మీ ఫ్రమ్ అరేంజ్డ్ మ్యారేజ్’ అని ఒక హోర్డింగ్ తయారుచేయించుకున్నాడు. అంతేకాదు తనకు నచ్చిన అమ్మాయిని వెతుక్కునేందుకు ఏకంగా ఒక వెబ్సైట్ నడుపుతున్నాడు.
బర్మింగ్హమ్లో ఉండే ముహమ్మద్ మాలిక్ పాకిస్తాన్కు చెందినవాడు. ఇన్నొవేషన్ కన్సల్టెంట్, ఎంట్రప్రెనూర్ కూడా అయిన మాలిక్కు ఇప్పుడు 29 ఏండ్లు. పెండ్లి చేసేందుకు ఇంట్లోవాళ్లు సంబంధాలు చూస్తున్నారు. అయితే, వాళ్ల కంటే ముందే తనకు నచ్చిన అమ్మాయిని వెతుక్కోవాలని డిసైడ్ అయ్యాడు. అలాగని పెద్దలు చూసిన అమ్మాయిని పెండ్లి చేసుకోవడం ఇష్టం లేక కాదు.
తన డ్రీమ్ గర్ల్ని తానే వెతుక్కోవాలని అడ్వర్టైజింగ్ మొదలుపెట్టాడు. ‘సేవ్ మీ ఫ్రమ్ అరేంజ్డ్ మ్యారేజ్’ అని రాసి ఉన్న 20 అడుగుల హోర్డింగ్స్ని బర్మింగ్హమ్, మాంచెస్టర్ సిటీల్లోని ట్రాఫిక్ సిగ్నళ్లు, ఫేమస్ ప్లేస్ల దగ్గర పెట్టించాడు. వాటి మీద తన ఫొటో, వెబ్సైట్ Findmalikawife.com లింక్ కూడా ఉంటాయి. అతని బిల్బోర్డ్ ఆలోచన బాగానే వర్కవుట్అయి.. వందల సంఖ్యలో మ్యారేజ్ ప్రపోజల్స్ వచ్చాయి.
అందుకే ఇలా...
ఇప్పటివరకు నాకు సరిజోడైన అమ్మాయి దొరకలేదు. అలాంటి అమ్మాయిని వెతకడం కొంచెం కష్టమే అనిపించింది. అందుకనే హోర్డింగ్ అడ్వర్టైజ్మెంట్ ఆలోచన చేశాను. బిల్బోర్డ్లు చూసి వందల సంఖ్యలో మెసేజ్లు వచ్చాయి. నాకు కావాల్సిన క్వాలిటీస్ ఉన్న లైఫ్ పార్ట్నర్ ఇకనైనా దొరుకుతుందేమో చూడాలి.
