పద్మారావునగర్, వెలుగు: చిలకలగూడ పోలీస్ స్టేషన్ పరిధిలో ఓ యువకుడు మిస్సింగ్ అయ్యాడు. ఎస్ఐ సబిత వివరాల ప్రకారం... సీతాఫల్మండి డివిజన్ మేడిబావికి చెందిన ఆర్. కవిత ఈనెల 5 న షాద్నగర్ వెళ్ళగా.. కొడుకు కిశోర్ (24) ఒంటరిగా ఇంటి వద్దే ఉన్నాడు. మద్యాహ్నం తల్లికి ఫోన్ చేసి తాను హనుమకొండలోని అమ్మమ్మ ఇంటికి వెళుతున్నానని చెప్పాడు.
సాయంత్రం ఇంటికి వచ్చిన కవిత అతనికి ఫోన్ చేయగా కిశోర్ లిఫ్ట్ చేయలేదు. తిరిగి రాత్రి ఫోన్ లిఫ్ట్ చేసి తాను జనగాంలో ఉన్నానని ఉదయం ఇంటికి వస్తానని చెప్పాడు. ఆ తర్వాత ఫోన్ స్విచ్ ఆఫ్ వచ్చింది, అతను ఇంటికి రాలేదు. తెలిసిన అన్ని చోట్లా వెతికినా ఆచూకీ దొరకలేదని తల్లి పోలీసులను ఆశ్రయించింది. కేసు దర్యాప్తు చేస్తున్నట్లు ఎస్.ఐ సబిత తెలిపారు.
