- యువకుడు సూసైడ్ మెదక్ జిల్లా కాట్రియాలలో ఘటన
రామాయంపేట, వెలుగు: లోన్ యాప్ నిర్వాహకుల వేధింపులు తట్టుకోలేక ఓ యువకుడు సూసైడ్ చేసుకున్నాడు. మెదక్ జిల్లా రామాయంపేట మండలం కాట్రియాల గ్రామంలో ఈ ఘటన జరిగింది. గ్రామానికి చెందిన మద్ది గంగాధర్ (30) మండలంలో మిషన్ భగీరథలో కాంట్రాక్ట్ ఉద్యోగిగా పనిచేస్తున్నాడు. లోన్ యాప్లో రూ.3 లక్షలు అప్పు తీసుకున్నాడు. తీర్చకపోవడంతో యాప్ నిర్వాహకులు వేధించడం ప్రారంభించారు.
వేధింపులు తట్టుకోలేక మూడు రోజుల క్రితం గంగాధర్ పురుగులమందు తాగాడు. బాధితుడిని వెంటనే ఎల్లారెడ్డిపేటలోని ఆసుపత్రికి తరలించారు. అక్కడ పరిస్థితి విషమించడం తో మెరుగైన వైద్యం కోసం నిజామాబాద్ కు తరలించారు. అక్కడ ట్రీట్ మెంట్ పొందుతూ మంగళవారం మరణించాడు.
