400 ఎకరాలను హైడ్రా కాపాడదా?

 400 ఎకరాలను  హైడ్రా కాపాడదా?
  • ఆప్ రాష్ట్ర కన్వీనర్ దిడ్డి సుధాకర్ ప్రశ్న

ట్యాంక్ బండ్, వెలుగు: హైదరాబాద్​సెంట్రల్ యునివర్సిటీకి చెందిన 400 ఎకరాలను హైడ్రా కాపాడదా అని ఆమ్ ఆద్మీ పార్టీ తెలంగాణ కన్వీనర్ డాక్టర్ దిడ్డి సుధాకర్ ప్రశ్నించారు. ఆ భూముల్లో అడవితోపాటు పీకాక్ లేక్, బఫెల్లో లేక్, క్రేన్ లేక్ లు ఉన్నాయన్నారు. గ్రేటర్​పరిధిలోని అన్నీ చెరువులను కాపాడతానని చెప్పిన హైడ్రా కమిషనర్​రంగనాథ్​ఇప్పుడు ఏం చేస్తున్నారని నిలదీశారు. 400 ఎకకరాలు బఫర్ జోన్ పరిధిలోకే వస్తాయన్నారు. 

శంషాబాద్: హెచ్ సీయూ భూముల జోలికొస్తే రాష్ట్ర వ్యాప్తంగా ఉద్యమాలు చేపడతామని ఎస్ఎఫ్ఐ రంగారెడ్డి జిల్లా అధ్యక్షుడు కె.వై.ప్రణయ్ హెచ్చరించారు. రాష్ట్రంలో బుల్డోజర్ల పాలన నడుస్తోందని ఆగ్రహం వ్యక్తం చేశారు. హెచ్ సీయూ భూములను కాపాడాలంటూ శంషాబాద్​లో ఆందోళనకు దిగిన ప్రణయ్, సీపీఎం జిల్లా నాయకుడు నీరటి మల్లేశ్, ప్రజా సంఘాల నాయకులను ఆర్జీఐ పోలీసులు అదుపులోకి తీసుకుని స్టేషన్​కు తరలించారు.