శ్రీనగర్: అసెంబ్లీ ఎన్నికలు జరిగిన రెండు రాష్ట్రాలు హర్యానా, జమ్మూ కాశ్మీర్లో కేజ్రీవాల్ నేతృత్వంలోని ఆమ్ ఆదీ పార్టీ ఘోర పరాజయం చవిచూసింది. భారీ అంచనాలతో ఎన్నికల బరిలోకి దిగిన ఆప్కు హర్యానా, జమ్మూ కాశ్మీర్ ఓటర్లు ఊహించని షాక్ ఇచ్చారు. హర్యానాలో కాంగ్రెస్తో పొత్తు కాదని ఒంటరిగా పోటీ చేసిన ఆప్ పూర్తిగా చతికిలపడింది. కనీసం ఒక్క అసెంబ్లీ స్థానంలో విజయం సాధించలేకపోయింది.
హర్యానాలో ఏ మాత్రం ప్రభావం చూపించకుండా ఘోర ఓటమి మూటగట్టుకున్న ఆప్కు జమ్మూ కాశ్మీర్లో మాత్రం స్వల్ప ఊరట దక్కింది. ఎట్టకేలకు జమ్మూ కాశ్మీర్లో ఆప్ బోణీ కొట్టింది. దోడా అసెంబ్లీ సెగ్మెంట్లో విజయంతో ఆప్ ఖాతా తెరిచింది. ఆప్ అభ్యర్థి మేహరాజ్ మాలిక్ తన సమీప బీజేపీ అభ్యర్థి గజయ్ సింగ్ రాణాపై విజయం సాధించారు. 4,770 ఓట్ల తేడాతో మేహరాజ్ మాలిక్ గెలుపొందటంతో ఆమ్ ఆద్మీపార్టీ ఊపిరి పీల్చుకుంది.
ALSO READ | అసెంబ్లీ ఎన్నికల కౌంటింగ్ ముగిసింది.. జమ్మూ కాశ్మీర్ సీఎం ఈయనే..!
ఇక, ఆర్టికల్ 370 రద్దు తర్వాత ఫస్ట్ టైమ్ జరిగిన జమ్మూ కాశ్మీర్ అసెంబ్లీ ఎన్నికల్లో ఒమర్ అబ్ధుల్లా నేతృత్వంలోని నేషనల్ కాన్ఫరెన్స్, కాంగ్రెస్ కూటమి ఘన విజయం సాధించింది. బీజేపీని చిత్తు చేసి ఎన్సీ, కాంగ్రెస్ కూటమి అధికారాన్ని చేజిక్కించుకుంది. కాంగ్రెస్ కూటమి దూకుడుతో బీజేపీ సెకండ్ ప్లేస్కే పరిమితం కాగా.. మెహబూబా ముఫ్తీ నేతృత్వంలోని పీడీపీ ఈ సారి చతికిలపడింది. ఒక్క స్థానంలో విజయం సాధించి ఆమ్ ఆద్మీ పార్టీ పరువు నిలుపుకుంది.
