మిస్టర్ 360, దక్షిణాఫ్రికా ఐకాన్ ఏబీ డివిలియర్స్ దాదాపు నాలుగు సంవత్సరాల తర్వాత క్రికెట్ లోకి రీ ఎంట్రీఇవ్వనున్నాడు. ఈ విషయాన్ని డివిలియర్స్ స్వయంగా ప్రకటించడంతో అభిమానులు పండగ చేసుకుంటున్నారు. రీ ఎంట్రీలో డివిలియర్స్ వరల్డ్ ఛాంపియన్‌షిప్ ఆఫ్ లెజెండ్స్ ( WCL) లీగ్ లో ఆడనున్నట్టు కన్ఫర్మ్ అయింది. గేమ్ ఛేంజర్స్ సౌత్ ఆఫ్రికా ఛాంపియన్స్‌కు ఈ మాజీ సఫారీ విధ్వంసకర ఆటగాడు కెప్టెన్సీ చేయనున్నాడు. టీ20 ఫార్మాట్ లో జరగబోయే ఈ టోర్నీని క్రికెట్ నుంచి రిటైర్మెంట్ ప్రకటించిన ఆటగాళ్లు ఆడతారు.
గేమ్ ఛేంజర్స్ కో ఓనర్ హ్యారీ సింగ్ డివిలియర్స్ తమ జట్టులో చేరడం పట్ల సంతోషం వ్యక్తం చేశాడు. "ఇది మాకు చాలా గౌరవం. డివిలియర్స్ కెప్టెన్సీ మా జట్టును మరో మెట్టులో నిలబెడుతుంది. అతను కేవలం ఆటగాడు మాత్రమే కాదు. ప్రపంచవ్యాప్తంగా మిలియన్ల మందికి స్ఫూర్తినిచ్చిన ఒక ఐకాన్. మా జట్టుకు నాయకత్వం వహించాలనే అతని నిర్ణయం మా అదృష్టం". అని ఆయన అన్నారు. ప్రారంభ సీజన్‌లో జాక్వెస్ కల్లిస్, హెర్షెల్ గిబ్స్, డేల్ స్టెయిన్, ఇమ్రాన్ తాహిర్ వంటి దిగ్గజాలు ఉన్న గేమ్ ఛేంజర్స్ స్క్వాడ్ లో ఇప్పుడు డివిలియర్స్ చేరడంతో ఆ జట్టు మరింత పటిష్టంగా మారనుంది.
Also Read :- కెప్టెన్సీ ఆఫర్ తిరస్కరించిన విరాట్ కోహ్లీ
ఏబీ డివిలియర్స్ 2018లో అంతర్జాతీయ క్రికెట్‌కు రిటైర్మెంట్ ప్రకటించిన సంగతి తెలిసిందే. కెరీర్ లో టాప్ లో ఉన్న ఉన్న ఈ సౌత్ ఆఫ్రికా విధ్వంసకర బ్యాటర్ 34 ఏళ్ళకే క్రికెట్ గుడ్ బై చెప్పడం ప్రపంచ క్రికెట్ ను ఆశ్చర్యపరించింది. డివిలియర్స్ మే 2018లో అంతర్జాతీయ క్రికెట్‌కు రిటైర్మెంట్ ప్రకటించినా.. ఆ తర్వాత రెండేళ్లు తన క్రికెట్ కెరీర్ కొనసాగించాడు. ఐపీఎల్ లో రాయల్ చాలెంజర్స్ తరపున ఆడిన ఏబీ..బిగ్ బాష్ లీగ్, కరీబియన్ ప్రీమియర్ లీగ్ లోను ఆడాడు. 2021 క్రికెట్ లో అన్ని రకాల క్రికెట్ కు రిటైర్మెంట్ ప్రకటించాడు.
2018, ఫిబ్రవరిలో సౌతాఫ్రికా తరఫున చివరి అంతర్జాతీయ వన్డే మ్యాచ్ ఆడిన ఏబీడీ.. అదే ఏడాది ఏప్రిల్‌లో ఆస్ట్రేలియాతో జరిగిన టెస్ట్ సిరీస్‌లో ప్రొటీస్‌ జట్టుకు ఆఖరుసారి ప్రాతినిధ్యం వహించాడు. ఐపీఎల్‌లో డివిలియర్స్ 5 వేలకు పైగా పరుగులు చేయడం విశేషం. ఇక అంతర్జాతీయ క్రికెట్ విషయానికొస్తే.. 114 టెస్టుల్లో 8,765 రన్స్, వన్డేల్లో 228 మ్యాచ్‌లు ఆడి 9,577 పరుగులు చేశాడు. ఇక టీ20 ల్లో 78 మ్యాచుల్లో 1,672 పరుగులు చేశాడు.
AB DE VILLIERS IS BACK TO CRICKET...!!! 🐐
— Johns. (@CricCrazyJohns) January 28, 2025
- AB will be playing in WCL for South Africa in 2025. pic.twitter.com/4MYYCqsqgg
