- ప్రయాణికుల నుంచి వ్యతిరేకత రావడంతో వెనక్కి తగ్గిన అధికారులు
- పెయిడ్ పార్కింగ్ నిర్ణయాన్ని వాయిదా వేస్తున్నట్లు ప్రకటన
హైదరాబాద్, వెలుగు: ప్యాసింజర్ల నుంచి వ్యతిరేకత రావడంతో ఎల్ అండ్ టీ, హైదరాబాద్ మెట్రో అధికారులు వెనక్కి తగ్గారు. నాగోలు, మియాపూర్మెట్రో స్టేషన్లలో ‘పెయిడ్ పార్కింగ్’ అమలు నిర్ణయాన్ని వాయిదా వేస్తున్నట్లు ప్రకటించారు. తదుపరి నోటీసులు ఇచ్చే వరకు ఈ నిర్ణయం అమలులో ఉంటుందని పేర్కొన్నారు. పెయిడ్పార్కింగ్అంశంపై ప్రయాణికుల నుంచి సలహాలు, సూచనలు స్వీకరిస్తామని వెల్లడించారు. ఈ నెల 25 నుంచి నుంచి నాగోలు మెట్రో స్టేషన్ లో, సెప్టెంబర్1 నుంచి పెయిడ్ పార్కింగ్అమలు చేస్తున్నట్లు ఎల్ అండ్టీ గతంలో ప్రకటించింది.
14న నాగోలు మెట్రో స్టేషన్వద్ద ‘పైలట్ రన్’ కూడా నిర్వహించింది. దీనిపై ప్రయాణికుల నుంచి తీవ్ర వ్యతిరేకత వచ్చింది. ఇన్నాళ్లు ఫ్రీ పార్కింగ్ కల్పించి, ఉన్నపళంగా ఎత్తేయడం ఏమిటని మెట్రో అధికారులను ప్రశ్నించారు. ప్రభుత్వ భూముల్లో పార్కింగ్ఏర్పాటు చేసి, ఫీజు వసూలు చేయడం ఏమిటని మండిపడ్డారు. వివిధ సంఘాలు, రాజకీయ పార్టీలు మెట్రో నిర్ణయాన్ని వ్యతిరేకిస్తూ నిరసన కార్యక్రమాలు చేపట్టాయి. ప్రోగ్రెస్సివ్ యూత్లీగ్ సంస్థ ఆదివారం నాగోలు మెట్రో వద్ద ఆందోళనకు పిలుపునిచ్చింది. ఈ క్రమంలో ఎల్ అండ్ టీ అధికారులు పెయిడ్ పార్కింగ్ నిర్ణయాన్ని వెనక్కి తీసుకుంటూ శనివారం ప్రకటన విడుదల చేశారు.
అన్ని స్టేషన్లలో ఎత్తేయాలి
సిటీలోని అన్ని మెట్రో స్టేషన్లలో పెయిడ్పార్కింగ్ ను ఎత్తివేయాలని ప్రోగ్రెస్సివ్యూత్లీగ్ అధ్యక్షుడు కేఎస్ ప్రదీప్ డిమాండ్చేశారు. అన్నిచోట్ల ప్రభుత్వ భూముల్లోనే పార్కింగ్ఏర్పాటు చేశారని, అలాంటప్పుడు ప్రయాణికులు ఎందుకు చార్జీలు చెల్లించాలని ప్రశ్నించారు. సినిమా థియేటర్లు, షాపింగ్మాల్స్లో పార్కింగ్ఫీజు వసూలు చేయొద్దనే నిబంధనలు ఉన్నాయని, మెట్రో స్టేషన్లలోనూ అమలు చేయాలని కోరారు. మెట్రో జర్నీ చేసేందుకు టికెట్తీసుకుంటున్నప్పుడు మళ్లీ ప్రత్యేకంగా పార్కింగ్ఫీజు ఎందుకు కట్టాలని ప్రశ్నించారు. ఇప్పటికే అధిక చార్జీలతో ప్రయాణికుల జేబులకు చిల్లుపడుతోందని, ఇప్పుడు పార్కింగ్ పేరుతో అదనపు వసూలు చేయాలని అధికారులు చూస్తున్నారని ఆరోపించారు. పెయిడ్పార్కింగ్అమలు చేస్తే ఆందోళనకు దిగుతామని హెచ్చరించారు.
చార్జీల పట్టిక తొలగింపు
నాగోలు మెట్రో స్టేషన్లో ఏర్పాటు చేసిన పెయిడ్పార్కింగ్చార్జీల వివరాలను తొలగించారు. ఈ నెల 14న పైలట్రన్లో భాగంగా ఏర్పాటు చేసిన చార్జీల వివరాల స్టిక్కర్లను చించేశారు. అయితే నాగోలు, మియాపూర్ మెట్రో స్టేషన్లలో పార్కింగ్ ఫీజు వసూలు చేసి, మెరుగైన పార్కింగ్సౌకర్యాన్ని ఏర్పాటు చేస్తామని మెట్రో అధికారులు గతంలో ప్రకటించారు. పార్కింగ్ ఏరియాలో మెరుగైన లైటింగ్, సీసీ కెమెరాల ఏర్పాటు, బయో టాయిలెట్స్నిర్మిస్తామని చెప్పారు. తాజాగా పెయిడ్పార్కింగ్నిర్ణయాన్ని వాయిదా వేస్తున్నట్లు ప్రకటించారు.
