కరోనా ప్రపంచాన్ని వణికిస్తోంది. కరోనా వల్ల ప్రపంచ వ్యాప్తంగా 48 వేల మందికి పైగా మృతి చెందారు. అయితే అమెరికాలో మాత్రం మరణాల సంఖ్య చాలా ఎక్కువగా ఉంది. అమెరికాలో వారం క్రితమే కరోనా పాజిటివ్ కేసులు నమోదుకావడం మొదలయింది. వారంలోనే అమెరికా పరిస్థితి తలకిందులయింది. అక్కడ కరోనా మృతుల సంఖ్య 5000 దాటింది. నిన్న ఒక్కరోజే 1000 మందికి పైగా మృతిచెందారు. ఇక కరోనా బారిన పడిన వారి సంఖ్య అయితే రెండు లక్షలు దాటింది. న్యూయార్క్ లోనే కరోనా మరణాలు 2వేలు దాటాయి. నిన్న ఒక్కరోజే 4 వేలకు పైగా కొత్త కేసులు నమోదయ్యాయి. దాంతో అమెరికాలో దయనీయమైన పరిస్థితులు నెలకొన్నాయి. ఇప్పటివరకు ప్రపంచవ్యాప్తంగా కరోనా బాధితుల సంఖ్య 9 లక్షల 35వేలు దాటింది. ఇక మరణాలు అయితే 50 వేలకు చేరువలో ఉన్నాయి.
For More News..
