వాషింగ్టన్: అమెరికా మాజీ అధ్యక్షుడు డొనాల్డ్ ట్రంప్పై కాల్పులను ప్రపంచ దేశాలన్నీ ఖండించాయి. పెన్సిల్వేనియాలో ట్రంప్పై 20 ఏండ్ల యువకుడు కాల్పులు జరిపాడు. గతంలో కూడా పలువురు అధ్యక్షులు, మాజీ ప్రెసిడెంట్లు, పలు పార్టీలకు చెందిన ప్రెసిడెన్షియల్ క్యాండిడేట్లపై ఈ తరహా దాడులు జరిగాయి. 19వ శతాబ్దం ప్రారంభం నుంచి ఇప్పటి వరకు
జరిగిన కాల్పుల ఘటనలు వివరాలు..
అబ్రహం లింకన్
1865 ఏప్రిల్ 14న వాషింగ్టన్ డీసీలోని ఫోర్డ్స్ థియేటర్లో జరిగిన ఓ ప్రోగ్రామ్కు హాజరైన అబ్రహం లింకన్పై.. జాన్ విల్కెస్ బూత్ అనే దుండగుడు కాల్పులు జరిపాడు. ఆసుపత్రిలో చికిత్స తీసుకున్నప్పటికీ లింకన్ కోలుకోలేదు.
జేమ్స్ గార్ఫీల్డ్
1881 జులై 2న జేమ్స్ గార్ఫీల్డ్ హత్యకు గురయ్యారు. ఇంగ్లండ్ వెళ్లేందుకు వాషింగ్టన్లోని ఓ రైల్వే స్టేషన్కు బయల్దేరిన టైమ్లో చార్లెస్ గిటౌ అనే దుండగుడు అతనిపై కాల్పులు జరిపాడు. చికిత్స పొందుతూ 2 నెలల తర్వాత కన్నుమూశారు.
విలియం మెక్కిన్లే
1901సెప్టెంబర్ 6న విలియం మెక్కిన్లేపై న్యూయార్క్లో ఓ దుండగుడు కాల్పులు జరిపాడు. వారంపాటు చికిత్స అందించినా బతకలేదు.
జాన్ ఎఫ్ కెన్నడి
1963 నవంబర్లో డాలస్ సందర్శనకు వెళ్లిన సమయంలో జాన్ ఎఫ్ కెన్నడిపై దుండగుడు కాల్పులు జరిపాడు. తీసుకెళ్లిన కొద్దిసేపటికే కెన్నడి చనిపోయాడు.
యపడి.. ప్రాణాలతో బయటపడిన వారిలో..
థియోడర్ రూజ్వెల్ట్పై1912 అక్టోబర్ 14న విస్కాన్సిన్లోని మిల్వాకీలో నిర్వహించిన ప్రచార కార్యక్రమంలో జాన్ష్రాంక్ అనే సెలూన్ కీపర్ కాల్పులు జరిపాడు. అయితే, ఆయన ప్రాణాలతో బయటపడ్డాడు. రొనాల్డ్ రీగన్పై 1981, మార్చి 30న వాషింగ్టన్లోని హిల్టన్ హోటల్ వద్ద హత్యాయత్నం జరిగింది.
కాగా, హత్యాయత్నానికి గురైన మాజీ ప్రెసిడెంట్లలో అండ్రూ జాక్సన్, హెర్బర్ట్ హూవర్, ఫ్రాంక్లిన్ డి. రూజ్‌‌వెల్ట్, హ్యారీ ఎస్.ట్రూమాన్, జార్జ్ సి.వాలెస్, గెరాల్డ్ ఫోర్డ్,
జార్జ్ డబ్ల్యూ బుష్, బరాక్ ఒబామా ఉన్నారు.
