- ఏబీవీపీ జాతీయ కార్యవర్గ సభ్యుడు శివ
ఆర్మూర్, వెలుగు: ప్రైవేట్ కార్పొరేట్ పాఠశాలలో వసూలు చేస్తున్న ఫీజులను నియంత్రించాలని, ఫీజుల నియంత్రణ చట్టాన్ని అమలు చేయాలని ఏబీవీపీ జాతీయ కార్యవర్గ సభ్యులు శివ డిమాండ్ చేశారు. రాష్ట్రవ్యాప్తంగా పాఠశాలల బంద్ పిలుపులో భాగంగా బుధవారం ఆర్మూర్ మున్సిపల్ పరిధిలోని పెర్కిట్ స్కూల్ వద్ద స్టూడెంట్స్ ను ఉద్దేశించి ఏబీవీపీ జాతీయ కార్యవర్గ సభ్యులు శివ మాట్లాడారు.
Also read : కార్మికుల సమస్యలు పరిష్కరించాలని ధర్నా
గవర్నమెంట్ స్కూల్స్ లో మౌలిక వసతులు కల్పించాలని, టీచర్స్ కొరత లేకుండా అధ్యాపక అధ్యాపకేతర సిబ్బందిని నియమించాలన్నారు. విద్యా హక్కు చట్ట ప్రకారం ప్రైవేట్ స్కూల్స్ లో 25 శాతం పేద విద్యార్థులకు కేటాయించాలన్నారు. గవర్నమెంట్ గుర్తింపు లేని స్కూల్స్ పై చర్యలు తీసుకోవాలని డిమాండ్ చేశారు. కార్యక్రమంలో ఏబీవీపీ రాష్ట్ర కార్యవర్గ సభ్యులు నాగరాజు, హరినాథ్, ప్రమోద్, హరీశ్, తదితరులు పాల్గొన్నారు.
