వికారాబాద్, వెలుగు: ఓ కేసు విషయంలో డ్రైవర్ ద్వారా లంచం తీసుకున్న ధారూర్ ఎస్ఐ వేణుగోపాల్గౌడ్ ను ఏసీబీ అదుపులోకి తీసుకుంది. ఒక కేసులో నాగసముందర్ గ్రామానికి చెందిన ఒకరి పేరు తొలగించడానికి వేణు రూ. 30 వేలు డిమాండ్చేశాడు.
ఇందులో భాగంగా మంగళవారం ఎస్ఐ డ్రైవర్ బీరప్ప రూ.30 వేలు తీసుకుంటుండగా ఏసీబీ రెడ్ హ్యాండెడ్గా పట్టుకుంది. అతడి సమాచారం మేరకు ఎస్ఐ వేణుగోపాల్ ను అరెస్ట్ చేశారు. ఇద్దరినీ నాంపల్లిలోని ఏసీబీ కోర్టులో హాజరు పరుస్తామని ఏసీబీ అధికారులు తెలిపారు.
