మేడ్చల్, వెలుగు: ఓ కేసు విచారణలో రూ.50 వేలు లంచం తీసుకుంటూ మేడ్చల్ఏఎస్సై మధుసూదన్ రావు ఏసీబీకి చిక్కాడు. ఏసీబీ డీఎస్పీ శ్రీధర్ తెలిపిన వివరాల ప్రకారం.. గౌడవల్లిలో నిర్మిస్తున్న సాకేత్ ప్రణామ్ విల్లాస్ లో ఇంటీరియర్ డిజైనింగ్పనులు చేపట్టిన విశ్వనాథ్అనే వ్యక్తిపై ఓ ఇంటి యజమాని కేసు పెట్టారు. డబ్బు తీసుకుని ఒప్పుకున్న పనులు చేయకపోవడంతో మేడ్చల్పోలీసులను ఆశ్రయించాడు.
విచారణ చేపట్టిన ఏఎస్సై మధుసూదన్ విశ్వనాథ్ను రూ.2 లక్షలు డిమాండ్ చేశాడు. మొదట రూ.10 వేలు ఇచ్చిన విశ్వనాథ్.. తర్వాత ఏసీబీని ఆశ్రయించాడు. సోమవారం బాధితుడి నుంచి రూ.50వేలు లంచం తీసుకుంటుండగా ఏఎస్సై మధుసూదన్ను ఏసీబీ అధికారులు రెడ్హ్యాండెడ్గా పట్టుకున్నారు.
