భద్రాద్రి కొత్తగూడెం: రాష్ట్రంలో అవినీతి అధికారులపై యాంటి కరప్షన్ బ్యూరో (ఏసీబీ) ఉక్కుపాదం మోపుతోంది. వివిధ పనులు కోసం వచ్చే వారి అవసరాలను ఆసరాగా చేసుకుని ఇష్టం వచ్చినట్లుగా లంచాలు దండుకుంటున్న అధికారులపై స్పెషల్ ఫోకస్ పెట్టి రెడ్ హ్యాండెడ్గా పట్టుకుని కటకటాల వెనక్కి నెడుతోంది. ఈ క్రమంలోనే మంగళవారం (అక్టోబర్ 29) భద్రాద్రి కొత్తగూడెం జిల్లాలో మరో ఇద్దరు అవినీతి అధికారులు అడ్డంగా బుక్క్ అయ్యారు. కొత్తగూడెం జిల్లా మెడికల్ కళాశాల ఏవో ఖలీలుల్ల, జూనియర్ అసిస్టెంట్ సుధాకర్ లంచం తీసుకుంటూ ఏసీబీ అధికారులకు పట్టుబడ్డారు. ఓ వ్యక్తి నుండి రూ. 3 లక్షలు లంచం తీసుకుంటుండగా ఏసీబీ డీఎస్పి వై.రమేష్ రెడ్ హ్యాండెడ్గా పట్టుకున్నారు. ఈ ఘటనకు సంబంధించిన పూర్తి వివరాలు తెలియాల్సి ఉంది.
