అగ్రిగోల్డ్ భూముల కేసులో వైసీపీ సీనియర్ నేత, మాజీ మంత్రి జోగి రమేష్ కుమారుడు జోగి రాజీవ్‌కు బిగ్ రిలీఫ్ లభించింది. ఈ కేసులో అరెస్ట్ అయ్యి ప్రస్తుతం జ్యుడిషియల్ రిమాండ్లో ఉన్న రాజీవ్‌కు ఏసీబీ కోర్టు బెయిల్ మంజూరు చేసింది. జోగి రాజీవ్తో పాటు అరెస్ట్ అయిన సర్వేయర్‌ రమేష్‌కు సైతం న్యాయస్థానం బెయిల్ ఇచ్చింది. అంబాపురంలోని అగ్రిగోల్డ్ భూముల విక్రయాల్లో అవకతవకలకు పాల్పడ్డారనే ఆరోపణలపై ఆగస్ట్ 13న ఏసీబీ అధికారులు జోగి రాజీవ్ను అరెస్ట్ చేశారు. రాజీవ్‌కు ఏసీబీ కోర్టు 14 రోజుల జ్యుడిషియల్ రిమాండ్ విధించింది. ప్రస్తుతం జ్యుడిషియల్ రిమాండ్లో భాగంగా జైల్లో ఉన్న రాజీవ్ ఏసీబీ కోర్టులో బెయిల్ పిటిషన్ దాఖలు చేశారు. ఈ పిటిషన్ పై ఇరు వర్గాల వాదనలు విన్న న్యాయస్థానం.. ఇవాళ రాజీవ్‌కు బెయిల్ మంజూరు చేస్తూ ఉత్తర్వులు జారీ చేసింది.
