లంచాలకు మరిగిన కొందరు అధికారుల తీరు ఇప్పటికీ మారట్లేదు. మంచిర్యాల జిల్లాలో ఏసీబీ సోదాలు సంచలనం సృష్టించాయి. సోదాల్లో ఓ అధికారి లంచం తీసుకుంటూ పట్టుబడ్డాడు. వివరాలిలా ఉన్నాయి.. జూన్ 13 న జిల్లా వైద్యారోగ్య శాఖ కార్యాలయానికి అవినీతి నిరోధక శాఖ అధికారులు వచ్చారు. అనంతరం కార్యాలయంలోని దస్త్రాలు తనిఖీ చేశారు.
ఇటీవలే డీఎంహెచ్ఓగా విధులు నిర్వహించిన షఫీద్దీన్ రామగుండానికి బదిలీ అయ్యారు. ఈ క్రమంలోనే తనిఖీలు జరగడం గమనార్హం. ఔట్ సోర్సింగ్ ఉద్యోగిని సహకారంతో టైపిస్ట్ రాజనర్సు ద్వారా వెహికిల్ టెండర్ విషయంలో ఓ బాధితుడి నుంచి రూ.10 వేల లంచం తీసుకుంటుండగా ఏసీబీ అధికారులు రెడ్ హ్యాండడ్గా పట్టుకున్నారు.
