హైదరాబాద్: రాష్ట్ర రాజకీయాల్లో హాట్ టాపిక్గా మారిన ఫార్ములా ఈ కార్ రేసు కేసులో మరో కీలక పరిణామం చోటు చేసుకుంది. ఈ కేసులో ఇప్పటికే ప్రధాన నిందితులను విచారించిన ఏసీబీ.. తాజాగా ఎస్ నెక్స్ట్ కంపెనీకి నోటీసులు జారీ చేసింది. ఏస్ నెక్ట్స్ కంపెనీతో పాటు గ్రీన్ కో సంస్థ ఎండీ అనిల్కు సైతం ఏసీబీ సమన్లు పంపింది. 2025, జనవరి 18న విచారణకు హాజరుకావాలని నోటీసుల్లో ఆదేశించింది. హైదరాబాద్లో ఫార్ములా ఈ రేసును నిర్వహించడానికి ఒప్పందం చేసుకుని ఉన్నట్టుండి ఎస్ నెక్ట్స్ కంపెనీ అగ్రిమెంట్ క్యాన్సిల్ చేసుకున్న విషయం తెలిసిందే.
ALSO READ | పార్టీ మారిన ఎమ్మెల్యేలపై వేటు వేయండి : సుప్రీంకోర్టులో బీఆర్ఎస్ 2 పిటీషన్లు
ఎస్ నెక్ట్స్ ఉన్న ఫలంగా ఎందుకు ఒప్పందం నుండి తప్పుకోవాల్సి వచ్చిందనే దానిపై ఏసీబీ ఆరా తీయనున్నట్లు తెలుస్తోంది. అలాగే.. -గ్రీన్ కో, ప్రభుత్వానికి మధ్య జరిగిన ఫార్ములా ఈ ఒప్పందంపై ఏసీబీ క్వశ్చన్ చేయనున్నట్లు టాక్. ఫార్ములా ఈ కేసులో ప్రధాన నిందితులు బీఆర్ఎస్ వర్కింగ్ ప్రెసిడెంట్ కేటీఆర్, ఐఏఎస్ అరవింద్ కుమార్, హెచ్ఎండీఏ మాజీ చీఫ్ ఇంజనీర్ బీఎల్ఎన్ రెడ్డిని ఇప్పటికే ఏసీబీ ప్రశ్నించింది. వీరి స్టేట్మెంట్లు రికార్డ్ చేసిన ఏసీబీ.. వాటి ఆధారంగా తదుపరి దర్యాప్తు చేపట్టనుంది.
