హైదరాబాద్: రాష్ట్రవ్యాప్తంగా అవినీతి అధికారులపై యాంటి కరప్షన్ బ్యూరో (ఏసీబీ) ఉక్కు మోపుతోంది. ప్రజల అవసరాలను ఆసరా చేసుకుని ప్రభుత్వ అధికారులు లంచం తీసుకుంటున్నట్లు సమాచారం వస్తే వెంటనే అక్కడి వాలిపోయి.. అవినీతి అధికారుల భరతం పడుతోంది ఏసీబీ. ఈ క్రమంలోనే 2024, నవంబర్ 26వ తేదీన మేడ్చల్ జిల్లా ఘట్కేసర్ కరెంట్ ఆఫీసులో ఏసీబీ అధికారులు ఆకస్మిక రైడ్స్ చేశారు.
ఓ వ్యక్తి నుండి రూ.15 వేలు లంచం తీసుకుంటుండగా కరెంటు ఏఈ బలరాం నాయక్, లైన్ మెన్ హేమంత్ నాయక్ను ఏసీబీ అధికారులు రెడ్ హ్యాండెడ్గా పట్టుకున్నారు. బాధితుడి నుండి ఎందుకు లంచం డిమాండ్ చేశారు.. ఎంత డిమాండ్ చేశారా అన్నది తెలియాల్సి ఉంది. ప్రస్తుతం ఘట్కేసర్ కరెంట్ ఆఫీసులో ఏసీబీ అధికారులు సోదాలు చేస్తోన్నట్లు తెలుస్తోంది. కాగా, ఈ ఘటనకు సంబంధించిన పూర్తి వివరాలు తెలియాల్సి ఉంది.
