రాయదుర్గం మల్కం చెరువు వద్ద తెల్లవారుజామున ఘోర రోడ్డు ప్రమాదం జరిగింది. నంది హిల్స్ నుండి వేగంగా వచ్చి మార్కం చెరువు వద్ద ఉన్న ఫ్లై ఓవర్ బ్రిడ్జి ను వేగంగా డీ కొట్టింది. ఈ ప్రమాదంలో కారు నడుపుతున్న యువకుడు స్పాట్ లో మృతి చెందాడు. ప్రమాద ధాటికి కారు నుజ్జు నుజ్జు అయింది. విషయం తెలుసుకున్న పోలీసులు ఘటనా స్థలానికి చేరుకున్నారు. అతి వేగమే ప్రమాదానికి కారణమని చెప్పారు.
మృతుడు ICFAI యూనివర్సిటీలో BBA చదువుతున్న విద్యార్థి చరణ్(19)గా గుర్తించారు. BNR హిల్స్ నుండి స్విఫ్ట్ డిజైర్ కారులో మెహెదిపట్నంలోని ఇంటికి వెళ్తున్న క్రమంలో ప్రమాదం జరిగింది. మృతదేహాన్ని పోస్ట్ మార్టం నిమిత్తం ఉస్మానియా హాస్పిటల్ కు తరలించారు పోలీసులు. అనంతరం కేసు నమోదు చేసుకొని దర్యాప్తు చేస్తున్నారు.
