సికింద్రాబాద్ : రన్నింగ్బస్సులో సోమవారం రాత్రి మహిళపై అత్యాచారానికి పాల్పడిన డ్రైవర్ను అరెస్ట్చేసినట్లు ఈస్ట్జోన్డీసీపీ బాలస్వామి తెలిపారు. బుధవారం ఓయూ ఏసీపీ ఆఫీసులో నిందితులను మీడియాకు చూపించారు. ఏపీలోని నెల్లూరుకు చెందిన ఈర్ల కృష్ణబాబు(35), ప్రకాశం జిల్లాకు చెందిన రామగిరి సిద్ధయ్య(32) హరికృష్ణ ట్రావెల్స్లో డ్రైవర్లు. గత సోమవారం సాయంత్రం వీరిద్దరూ స్లీపర్బస్సులో ప్రయాణికులను ఎక్కించుకుని ప్రకాశం జిల్లాలోని పామూరుకు బయలుదేరారు. ఓ మహిళ(28) తన ఎనిమిదేళ్ల కూతురుతో పొదిలి వెళ్లేందుకు బస్సు ఎక్కింది. టికెట్చెకింగ్టైంలో వారిద్దరికీ కలిపి సింగిల్బెర్త్(బెర్త్–1) ఉన్నట్లు తెలుసుకున్న సిద్ధయ్య, మహిళ వివరాలు తెలుసుకున్నాడు.
తనదీ ప్రకాశం జిల్లానేనని మాటలు కలిపాడు. మార్గమధ్యలో భోజనానికి ఆగిన టైంలో 5, 6 బెర్త్లు ఖాళీగా ఉన్నాయని, అక్కడికి మారండని కృష్ణ మహిళతో చెప్పాడు. దీంతో మహిళ కూతురుతో కలిసి 5, 6 బెర్త్లకు షిఫ్ట్అయింది. తిరిగి బస్సు బయలుదేరగా సిద్ధయ్య డ్రైవింగ్చేస్తున్నాడు. కృష్ణబాబు 5, 6 బెర్త్ల వద్దకు వెళ్లి మహిళ నోట్లో బెడ్షీట్కుక్కి అత్యాచారానికి పాల్పడ్డాడు. మెట్టుగూడ వద్ద సిద్ధయ్య బస్సును స్లో చేయగా, కృష్ణబాబు పరారయ్యాడు. బాధితురాలి ఫోన్కాల్తో తార్నాకలో బస్సును ఆపి పోలీసులు డ్రైవర్ సిద్ధయ్యను అదుపులోకి తీసుకోగా, పరారైన కృష్ణబాబును బుధవారం అరెస్ట్చేశారు. ఇద్దరిని రిమాండుకు తరలించినట్లు డీసీపీ బాలస్వామి వెల్లడించారు.
