- అప్పుడే రైతులు ఎంత కరెంట్ వాడారో తెలుస్తది
- స్టేట్ఎలక్ట్రిసిటీ రెగ్యులేటరీ కమిషన్ చైర్మన్ తన్నీరు శ్రీరంగారావు
ఖమ్మం టౌన్, వెలుగు : ‘వ్యవసాయ మోటార్లకు కాకుండా ట్రాన్స్ ఫార్మర్ల వద్ద విద్యుత్ మీటర్లు పెడుతం. దీనివల్ల రైతులు ఎంత కరెంట్వాడారో తెలుస్తది. దీనిద్వారా రైతులపై ఎలాంటి అదనపు భారం పడదు. మహారాష్ట్రలో ఈ ప్రయోగం సక్సెస్ అయింది.’ అని తెలంగాణ స్టేట్ఎలక్ట్రిసిటీ రెగ్యులేటరీ కమిషన్(టీఎస్ఈఆర్సీ) చైర్మన్ తన్నీరు శ్రీ రంగారావు అన్నారు. ఖమ్మంలోని డీపీఆర్సీ బిల్డింగ్ లో శనివారం విద్యుత్ వినియోగదారులతో టీఎస్ఈఆర్సీ ముఖాముఖీ జరిగింది. ఈ కార్యక్రమంలో శ్రీ రంగారావు, కమిషన్ టెక్నికల్ మెంబర్మనోహర్ రాజు, ఫైనాన్స్ మెంబర్ బండారు కృష్ణయ్య పాల్గొన్నారు. ఈఆర్సీ ఆదేశాలతోనే అడిషనల్కన్జంప్షన్డిపాజిట్(ఏసీడీ) వసూలు చేస్తున్నారని, లోడ్ కెపాసిటీ ఆధారంగా చార్జీలు విధిస్తున్నామని శ్రీరంగారావు వివరించారు. సెంట్రల్ యాక్ట్ 43 ప్రకారం దీనిని అమలు చేస్తున్నామని, ఆ మొత్తాన్ని డిపాజిట్ గా ఉంచి వడ్డీ కూడా చెల్లిస్తామని, వినియోగదారుని బ్యాంకు ఖాతాలో జమ చేస్తామని తెలిపారు.
ప్రీ పెయిడ్ మీటర్లు వస్తే ఏసీడీ ఉండదని పేర్కొన్నారు. అధికారులు సమస్యలను వెంటనే పరిష్కరించాలని, ఆఫీసర్లు స్పందించకపోతే వినియోగదారులు కన్జూమర్ గ్రివెన్స్రిడ్రసెల్ ఫోరం(సీజీఆర్ఎఫ్) కు కంప్లయింట్ చేయాలని ఆయన సూచించారు. పొలాల చుట్టూ కరెంట్తీగలు అమర్చి పశువులు, మను షుల ప్రాణాలు తీసేవారిపై కఠిన చర్యలు తీసుకుంటామన్నారు. చనిపోయినవారి ఫ్యామిలీకి బాధ్యుల నుంచే రూ.5 లక్షల ఎక్స్ గ్రేషియా ఇప్పిస్తామన్నారు. పదేండ్ల జైలు శిక్ష కూడా విధించేలా చట్టాన్ని తెచ్చినట్లు చెప్పారు. ఈ ప్రోగ్రామ్లో వివిధ పార్టీల లీడర్లు, సర్పంచులు సమస్యలను మండలికి తెలిపారు. అయితే, జనరల్పబ్లిక్ హాజరయ్యేలా విద్యుత్ శాఖ ఆఫీసర్లు సరైన అవగాహన కల్పించకపోవడంతో ఈ ముఖాముఖీ ప్రజాప్రతినిధుల ప్రోగ్రామ్ గా మారిందని విమర్శలు వ్యక్తమయ్యాయి.
