అచ్చంపేట, వెలుగు : స్వచ్ఛదనం, పచ్చదనంతోనే ఆరోగ్యంగా ఉండవచ్చని అచ్చంపేట ఎమ్మెల్యే వంశీకృష్ణ తెలిపారు. శుక్రవారం పట్టణంలోని జీఎస్ఎన్ బీఈడీ కాలేజ్ నుంచి ఎన్టీఆర్ స్టేడియం వరకు 3 కే రన్ నిర్వహించారు. అంబేద్కర్ చౌరస్తాలో ఏర్పాటు చేసిన కార్యక్రమంలో
ఎమ్మెల్యే మాట్లాడుతూ ప్రజలు స్వచ్ఛందంగా తమ పరిసరాలను శుభ్రం చేసుకోవాలని, మొక్కలు నాటాలని పిలుపునిచ్చారు. అనంతరం కలెక్టర్ బదావత్ సంతోష్ తో కలిసి మొక్కలు నాటారు. మున్సిపల్ కమిషనర్ శ్యాంసుందర్ పాల్గొన్నారు.
