అచ్చంపేట, వెలుగు: నియోజకవర్గ ప్రజల సమస్యలు పరిష్కరించేందుకు ఎమ్మెల్యే క్యాంప్ ఆఫీస్ను ప్రజా భవన్ గా మారుస్తున్నట్లు అచ్చంపేట ఎమ్మెల్యే డాక్టర్ వంశీకృష్ణ తెలిపారు. శుక్రవారం ఎమ్మెల్యే క్యాంప్ ఆఫీస్లో వంశీ కృష్ణ దంపతులు హోమం నిర్వహించారు. అలాగే అయ్యప్ప, హనుమాన్ మహా పడిపూజ కార్యక్రమాన్ని జరిపించారు.
ఈసందర్భంగా ఆయన మాట్లాడుతూ గతంలో ఎమ్మెల్యే క్యాంప్ ఆఫీస్కు ప్రజలు రావాలంటే ఎన్నో ఆంక్షలు ఉండేవని, ఇప్పుడు అందరికీ అందుబాటులో ఉండి సేవ చేసేందుకు వీలుగా మార్పు చేస్తున్నట్లు ప్రకటించారు. నియోజకవర్గంలోని ప్రజలు ఏ సమయంలో వచ్చినా పరిష్కరించేందుకు ప్రజా భవన్ను అందుబాటులోకి తెచ్చినట్లు తెలిపారు. గతంలో క్యాంప్ ఆఫీస్ ఓ పాలకుడి గడీగా ఉండేదన్నారు. అమ్రాబాద్ జడ్పీటీసీ అనురాద, మంత్ర్యా నాయక్, గోపాల్రెడ్డి, గౌరీశంకర్, సునీత, శారద, రాజేందర్, రామనాథం పాల్గొన్నారు.
