- నారాయణపేట జిల్లాలో ఘటన
- బాధితురాలి పరిస్థితి విషమం
మక్తల్(కృష్ణ), వెలుగు : నారాయణపేట జిల్లా కృష్ణ మండలంలో మహిళపై యాసిడ్ దాడి జరిగింది. మండలంలోని ముడుమల గ్రామానికి చెందిన కవిత(45) అనే మహిళపై మడుగు వెంకటప్ప అనే వ్యక్తి యాసిడ్ పోశాడు. వెంకటప్పకు అదే గ్రామానికి చెందిన కృష్ణారెడ్డితో భూ వివాదం ఉంది.
ఈ విషయంలో ప్రతిరోజు వీరి మధ్య గొడవలు జరుగుతుండడంతో విసుగెత్తిపోయిన వెంకటప్ప.. గురువారం తెల్లవారుజామున కృష్ణారెడ్డి భార్య కవితపై యాసిడ్ పోశాడు. తీవ్రంగా గాయపడిన కవితను వెంటనే మహబూబ్‌‌‌‌నగర్ జిల్లా హాస్పిటల్‌‌‌‌కు తరలించారు. బాధితురాలి భర్త కృష్ణారెడ్డి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
