సిరికొండ, వెలుగు: మంచిప్ప పైపులైన్ద్వారా రైతులకు సాగునీరందిస్తానని రూరల్ఎమ్మెల్యే బాజిరెడ్డి గోవర్ధన్ ఎన్నికల్లో ఇచ్చిన హమీ ఏమైందని మాజీ ఎమ్మెల్సీ అరికెల నర్సారెడ్డి ప్రశ్నించారు. గురువారం సిరికొండ కాంగ్రెస్ పార్టీ ఆఫీస్లో ఏర్పాటు చేసిన ప్రెస్మీట్లో ఆయన మాట్లాడారు. రెండు సార్లు ఎమ్మెల్యేగా గెలిచి, రూరల్లో ఎకరం సాగు భూమికి నీరివ్వలేదని ఆరోపించారు. రూ.వెయ్యి కోట్లతో పూర్తయ్యే ప్రాణహిత – చేవేళ్ల ప్రాజెక్ట్వ్యయాన్ని కమీషన్ల కోసం రూ.8వేల కోట్లకు పెంచారన్నారు.
పైప్లైన్ ద్వారా సాగునీటిని అందిస్తామని పైలెట్ ప్రాజెక్ట్పేరు రూ.కోట్లు దోచుకున్నారన్నారు. కాళేశ్వరం లేదా ప్రాణహిత చేవెళ్ల ద్వారా ఇంత వరకు ఎకరానికి నీరు ఇవ్వలేదన్నారు. 24 గంటల ఉచిత కరెంట్మాటున రూ.15 వేల కోట్ల అవినీతి జరిగిందన్నారు. ఉచిత కరెంట్పై రేవంత్వ్యాఖ్యాలను వక్రీకరించి, బీఆర్ఎస్ రాజకీయ పబ్బం గడుపుతుందన్నారు. కాంగ్రెస్తోనే బడుగు, బలహీన వర్గాలలకు న్యాయం జరుగుతుందని చెప్పారు. కార్యక్రమంలో పార్టీ మండలాధ్యక్షులు రవి, చిన్న బాల్రాజ్, బండారి నరేశ్, యూత్అధ్యక్షుడు భూషణ్రెడ్డి తదితరులు పాల్గొన్నారు.
