పిట్లం,వెలుగు: స్కూల్స్, విద్యార్థుల పట్ల నిర్లక్ష్యంగా ఉంటే చర్యలు తీసుకుంటామని ఎమ్మెల్యే తోట లక్ష్మీకాంతరావు అన్నారు. శనివారం పెద్దకొడప్గల్ ఎంపీపీ ప్రతాప్రెడ్డి అధ్యక్షతన మండల సర్వసభ్య సమావేశం నిర్వహించారు. స్కూల్స్ ను నిర్లక్ష్యం చేస్తున్నారని పలువురు సభ్యులు ఎమ్మెల్యేకు ఫిర్యాదు చేశారు.
ఎమ్మెల్యే స్పందిస్తూ స్కూల్స్ ఎప్పటి కప్పుడూ తనిఖీ చేయాలని ఎంఈవో దేవిసింగ్ను ఆదేశించారు. అలాగే మండలంలో వ్యవసాయ వివరాలను ఏవోను అడిగి తెలుసుకున్నారు. రైతులకు ఎలాంటి ఇబ్బందులు రాకుండా చూడాలన్నారు. అనంతరం ఆయా శాఖలపై సమీక్ష నిర్వహించారు. కార్యక్రమంలో ఎంపీడీవో రాణి, తహసీల్దార్ దశరథ్, ఎంపీవో సూర్యకాంత్, సొసైటీ చైర్మన్ హన్మంత్రెడ్డి, కో అప్షన్ మెంబర్ జాఫర్ పాల్గొన్నారు
