స్టేషన్ఘన్పూర్, వెలుగు : పార్లమెంట్, ఎమ్మెల్సీ ఎన్నికల కోడ్ అమలులో ఉన్నందున పర్మిషన్ లేకుండా ర్యాలీలు, ధర్నాలు నిర్వహిస్తే చట్టపరంగా చర్యలు తీసుకుంటామని గ్రాడ్యుయేట్ ఎమ్మెల్సీ ఎన్నికల ఏఆర్వో, ఆర్డీవో డీఎస్ వెంకన్న తెలిపారు. జనగామ జిల్లా స్టేషన్ఘన్పూర్ ఆర్డీవో ఆఫీస్లో గురువారం ఆయన మీడియాతో మాట్లాడుతూ ఎన్నికల కోడ్ నేపథ్యంలో రెవెన్యూ డివిజన్ పరిధిలోని 5 మండలాల్లో 144 సెక్షన్ అమలులో ఉందన్నారు.
జూన్ 6 వరకు ఎన్నికల రూల్స్ అమలులో ఉంటాయన్నారు. గ్రాడ్యుయేట్ ఎమ్మెల్సీ ఎన్నికల నిర్వహణకు డివిజన్ పరిధిలో 10 పోలింగ్ కేంద్రాలు ఏర్పాటు చేశామన్నారు. డివిజన్లో గ్రాడ్యుయేట్ ఓటర్లు 8543 మంది ఉన్నారన్నారు. ఈ నెల 27న జరిగే గ్రాడ్యుయేట్ ఎమ్మెల్సీ ఎన్నికల పోలింగ్ ను పకడ్బందీగా నిర్వహించేందుకు చర్యలు చేపట్టినట్లు తెలిపారు. ఆయనవెంట నాయబ్ తహసీల్దార్ విజయ్కుమార్, రెవెన్యూ ఇన్స్పెక్టర్ అర్జున్, రెవెన్యూ ఆఫీసర్లు పాల్గొన్నారు.
