రాజకీయం, యాక్టింగ్ ఒక్కటి కాదు. మహారాష్ట్ర అసెంబ్లీ ఎన్నికల్లో బిగ్ బాస్ 7 కంటెస్టెంట్, యాక్టర్‌కు చేదు అనుభవం ఎదురైంది. వెర్సోవా అసెంబ్లీ నియోజకవర్గం నుంచి బరిలోకి దిగిన మరాఠీ బిగ్ బాస్ మాజీ కంటెస్టెంట్, యాక్టర్ అజాజ్ ఖాన్ కు నోటా కంటే తక్కువ ఓట్లు పోలయ్యాయి. ఆజాద్ సమాజ్ పార్టీ (కాన్షీరామ్) అభ్యర్థిగా అజాజ్ ఖాన్ ఎన్నికల్లో పోటీ చేశారు. యూపీలోని నగీనా ఎంపీ చంద్రశేఖర్ ఆజాద్ (రావణ్) ఈ పార్టీకి నేతృత్వం వహిస్తున్నారు.
Also Read :- మహారాష్ట్ర, జార్ఖండ్ అసెంబ్లీ ఎన్నికల ఫలితాలు
వెర్సోవా నియోజకవర్గం ఓటర్లు 103 మంది మాత్రమే అజాజ్ ఖాన్ కు ఓటేశారు. అంతకంటే ఎక్కువ 747 ఓట్లు నోటాకు ఓటు వేశారు. ఈ నియోజకవర్గంలో హరూన్ ఖాన్ అనే శివసేన (ఉద్ధవ్ బాలాసాహెబ్ థాకరే) అభ్యర్థి 46వేల ఓట్లతో అందరి కంటే ముందంజలో ఉన్నారు. బీజేపీ నుంచి భారతి లావేకర్ సెకండ్ ప్లేస్ లో ఉన్నారు. ఇంకా కౌంటింగ్ కొనసాగుతుంది.
