- టీడీపీ సభ్యత్వం తీసుకున్న మాజీ మంత్రి
హైదరాబాద్, వెలుగు: మాజీ మంత్రి, నటుడు బాబూమోహన్ సొంతగూటికి చేరుకున్నారు. ఆయన మళ్లీ టీడీపీ సభ్యత్వం తీసుకున్నారు. ఆందోల్ నియోజకవర్గంలో సభ్యత్వం తీసుకున్నట్టు తెలిపారు. ఈ మేరకు ఆయన ఓ ఫొటోను విడుదల చేశారు. బాబూ మోహన్ తొలిసారి1998 ఉప ఎన్నికల్లో ఆందోల్ టీడీపీ అభ్యర్థిగా పోటీ చేసి గెలుపొందారు. 1999 లోనూ విజయం సాధించి మంత్రి అయ్యారు. అనంతరం టీఆర్ఎస్ లో చేరి 2004, 2014 ఎన్నికల్లో పోటీ చేసి విజయం సాధించారు. ఆ తర్వాత బీజేపీలో జాయిన్ అయ్యారు. 2023 అసెంబ్లీ ఎన్నికలకు ముందు బీజేపీకి రిజైన్ చేసి కేఏ పాల్ స్థాపించిన ప్రజాశాంతి పార్టీలోకి వెళ్లారు. తాజాగా బాబూ మోహన్ టీడీపీలో చేరినట్టు ఓ ఫొటో విడుదల చేశారు.
