రూ. 1వెయ్యి కోట్ల ఆన్‌లైన్ పోంజీ స్కామ్‌పై విచారణకు సంబంధించి బాలీవుడ్ నటుడు గోవిందాను ఒడిశా ఆర్థిక నేరాల విభాగం (EOW) త్వరలో ప్రశ్నించనుంది. పాన్-ఇండియా లెవల్ లో ఈ స్కామ్‌ను నడిపినందుకు గానూ దోషిగా తేలిన కంపెనీని నటుడు ఆమోదించినట్లు పలు నివేదికలు తెలిపాయి.
ఈ నివేదికల ప్రకారం, సోలార్ టెక్నో అలయన్స్ అనే సంస్థ, ప్రపంచవ్యాప్తంగా అనేక దేశాలలో తన ఉనికిని కలిగి ఉంది. క్రిప్టోకరెన్సీ పెట్టుబడి పేరుతో ఆన్‌లైన్ పోంజీ పథకాన్ని నిర్వహిస్తోంది. రిజర్వ్ బ్యాంక్ ఆఫ్ ఇండియా అనుమతి లేకుండానే కంపెనీ దేశవ్యాప్తంగా 2 లక్షల మందికి పైగా డిపాజిట్లను సేకరించి, రూ. 1వెయ్యి కోట్లు సమీకరించినట్లు సమాచారం. ప్రస్తుతం ఈ కేసులో గోవింద అనుమానితుడు గానీ, నిందితుడు గానీ కాదని ఈవోయూ(EOW) అధికారులు తెలిపారు. ఆయన కొన్ని వీడియోలలో ఎస్టీఏని ఆమోదించినందునందుకు మాత్రమే ఆయన్ని ప్రశ్నించనున్నారు.
ALSO READ: ఫ్యాన్ బేరింగ్ లో బంగారం.. 636 గ్రాముల గోల్డ్ సీజ్
గోవింద ఇచ్చే ఆధారాలు ఈ కేసుకు ఉపయోగపడతాయని అధికారులు భావిస్తున్నారు. ఈ ఏడాది జూలైలో గోవాలో STA నిర్వహించిన మెగా ఈవెంట్‌కు గోవింద హాజరయ్యారు. ఈ క్రమంలో కంపెనీతో తనకున్న అనుబంధం గురించి గోవిందని ప్రశ్నించడానికి ఒడిశా EOW బృందం త్వరలో ముంబైకి చేరుకోనుంది. ఈ కేసులో గోవింద పాత్ర చెల్లుబాటు అయ్యే ఒప్పందం ప్రకారం కంపెనీకి ఎండార్సర్‌గా మాత్రమే ఉన్నారని, అతన్ని కేసులో సాక్షిగా మాత్రమే ఉంచుతారని అధికారులు తెలిపారు. ఈ కేసులో గోవింద ప్రమేయంపై ఇంకా అధికారిక ప్రకటన వెలువడలేదు.
