ప్రిన్స్, నరేష్ అగస్త్య లీడ్ రోల్స్‌‌‌‌లో శివ శేషు రూపొందించిన చిత్రం ‘కలి’. కె రాఘవేంద్ర రెడ్డి సమర్పణలో లీలా గౌతమ్ నిర్మించిన ఈ సినిమా శుక్రవారం విడుదలవుతోంది. ఈ సందర్భంగా నిర్వహించిన ప్రీ రిలీజ్ ఈవెంట్‌‌‌‌కు హీరోలు వరుణ్ తేజ్, అల్లరి నరేష్ అతిథులుగా హాజరయ్యారు.
వరుణ్ తేజ్ మాట్లాడుతూ ‘మంచి కంటెంట్ ఉంటే తెలుగు ప్రేక్షకులు తప్పకుండా ఆదరిస్తారు. ప్రిన్స్ డెడికేషన్ ఉన్న నటుడు. హీరోగా చేస్తూనే సపోర్టింగ్ క్యారెక్టర్స్ చేస్తున్నాడు. నా మూవీస్‌‌‌‌లో కూడా తను నటించాడు. ఈ సినిమా తనతో పాటు టీమ్ అందరికీ మంచి హిట్ అందించాలని కోరుకుంటున్నా’ అని అన్నాడు.
అల్లరి నరేష్ మాట్లాడుతూ ‘ఆత్మహత్యలు వద్దనే ఒక మంచి కాన్సెప్ట్‌‌‌‌తో రూపొందిన ఈ చిత్రం తప్పకుండా అందర్నీ ఆకట్టుకుంటుంది’ అని చెప్పాడు.కిరణ్ కుమార్ రెడ్డి, దర్శకుడు మల్లిక్ రామ్, హీరో ఆకాష్ జగన్నాథ్, ‘బలగం’ వేణు, నటుడు ప్రియదర్శి కార్యక్రమానికి హాజరై సినిమా సక్సెస్ సాధించాలని టీమ్‌‌‌‌కు బెస్ట్ విషెస్ చెప్పారు.
ఆత్మహత్యల నివారణకు తన వంతు ప్రయత్నంగా చేసిన చిత్రమే ఇదని ప్రిన్స్ అన్నాడు. ఇది తన ఫస్ట్ థియేట్రికల్ రిలీజ్ అని చెప్పింది హీరోయిన్ నేహా కృష్ణన్. ఇదొక కాన్సెప్ట్ బేస్డ్ మూవీ అని, అందరికీ నచ్చుతుందన్నారు దర్శక నిర్మాతలు. టీమ్ అంతా పాల్గొన్నారు.
