గోవా బ్యూటీ, టాలీవుడ్ నటి ఇలియానా తల్లి అయింది. ఆమె పండంటి మగబిడ్డకు జన్మనిచ్చింది. ఈ విషయాన్ని నటి ఇలియానా సోషల్ మీడియాలో ప్రకటించింది. అంతేకాదు తన బాబు ఫోటోను షేర్ చేసింది. ప్రస్తుతం ఇలియానా బాబుకు సంబంధించిన ఫోటో సోషల్ మీడియాలో వైరల్ అయింది.
బాబు పేరేంటంటే..
ఆగస్టు 1న తాను పండంటి మగ బిడ్డకు జన్మనిచ్చినట్లు ఇలియానా ప్రకటించింది. అంతేకాదు తన కొడుకు పేరును కూడా రివీల్ చేసింది. నా ముద్దుల కొడుకు ‘కోవా ఫీనిక్స్ డోలన్‌’ని పరిచయం చేస్తున్నాను....నా హృదయాలను దాటి ప్రపంచానికి పరిచయం చేస్తున్నందుకు ఎంతో ఆనందంగా ఉందంటూ పేర్కొంది.
- ALSO READ: మగాడు ప్రెగ్నెంట్ అయితే?
తాను గర్భం దాల్చినట్లు 2023 ఏప్రిల్ లో ఇలియానా ప్రకటించింది. అయితే జులైలో తన ప్రియుడి ఫొటోలను సోషల్ మీడియాలో షేర్ చేసిన ఆమె..అతడి పేరును మాత్రం చెప్పలేదు. ఇలియానా మగబిడ్డకు జన్మనివ్వడంతో అభిమానులు, ప్రముఖులు, నెటిజన్లు ఆమెకు అభినందనలు చెబుతున్నారు.
దేవదాస్‌ సినిమాతో టాలీవుడ్ లోకి అడుగుపెట్టిన ఇలియానా.... పోకిరి, ఖతర్నాక్, రాఖీ, మున్నా, భలేదొంగలు, ఆట, కిక్, రెచ్చిపో, సలీమ్, శక్తి, నేను నా రాక్షసి, జులాయి, దేవుడు చేసిన మనుషులు వంటి అనేక చిత్రాల్లో నటించింది. అయితే కొంతకాలంగా తెలుగు పరిశ్రమకు దూరంగా ఉంటోంది. చివరగా ఈ అమ్మడు 2018లో సినిమాలో కనిపించింది. రవితేజ హీరోగా నటించిన ‘అమర్‌ అక్బర్‌ ఆంటోని’ లో అలరించింది.
