మీ పిల్లల్ని ఎంత ప్రేమిస్తున్నారు? ఇదేం ప్రశ్న వందకి వంద శాతం అంటున్నారా! ఏం పర్లేదు కాస్త టైం తీసుకుని ఆలోచించండి. దీంట్లో ఆలోచించాల్సింది ఏముంది అనిపిస్తుంది కదా.! నార్మల్గా ఏ పేరెంట్స్ని అడిగినా ఇలాగే ఆన్సర్ ఇస్తారు. కానీ, బాలీవుడ్ స్టార్ హీరోయిన్ కాజోల్ మాత్రం పిల్లల్ని అరవైశాతం ప్రేమిస్తే చాలంటోంది.
రీసెంట్గా‘ త్రిభంగ’ అనే సినిమాలో నటించింది కాజోల్. త్రీ జనరేషన్స్లో తల్లీ కూతుళ్ల రిలేషన్షిప్ ఎలా ఉంది అనేది ఆ సినిమా కథ. ఆ ఫిల్మ్ ప్రమోషన్స్లో భాగంగా ఇచ్చిన ఇంటర్వ్యూలో కాజోల్ ఇద్దరు పిల్లల తల్లిగా తన ఎక్స్పీరియెన్స్ని షేర్ చేసుకుంది.
‘‘సమాజం దృష్టిలో తల్లి ఎప్పుడూ ఓ బాక్స్లో లాక్ చేసి ఉండాలి. ఆ బాక్స్ దాటి అడుగు బయటపెడితే జడ్జ్ చేయడం మొదలుపెడతారు. పిల్లల కోసం దగ్గరుండి వంటచేయకపోతే తల్లిగా ఫెయిల్ చేస్తారు. పిల్లల్ని స్కూల్ నుంచి పిక్ చేసుకోకపోయినా, పేరెంట్స్ మీటింగ్ ఒక్కటి స్కిప్ చేసినా, అన్నింటికన్నా ముఖ్యంగా పిల్లల్ని వదిలి బయటికెళ్లి పనిచేస్తే ‘చెడ్డ తల్లి’ అనే ముద్ర వేస్తుంది సొసైటీ. అంతేకాదు పిల్లల్ని అన్ని పరిస్థితుల్లో వందశాతం ప్రేమించలేం. ఈ విషయం తల్లైతేనే తెలుస్తుంది. చాలామంది తల్లుల్లు ఈ విషయంలో నాతో ఏకీభవిస్తారు. వాళ్ల అల్లరి మితిమీరినప్పుడు, మొండితనం రెట్టింపు అయినప్పుడు, అయినదానికి కానిదానికి విసిగించినప్పుడు పిల్లల్ని మనస్ఫూర్తిగా ప్రేమించలేం. ఆ సందర్భాల్లో 60 శాతం ప్రేమని మెయింటెయిన్ చేస్తే పిల్లలతో పేరెంట్స్ రిలేషన్ పర్ఫెక్ట్గా ఉంద’’ని అర్థం అంటోంది కాజోల్.
For More News..
