కోల్కతాలోని ఆర్జీ కర్ మెడికల్ కాలేజీ ఆస్పత్రి ట్రైనీ వైద్యురాలిపై హత్యాచారం- హత్య ఘటన దేశవ్యాప్తంగా పెనుదుమారం రేపుతున్న విషయం తెలిసిందే. ఈ ఘటనను నిరసిస్తూ మహిళలు, డాక్టర్లు చేపట్టిన ఆందోళనలు ఇప్పటికీ కొనసాగుతున్నాయి. మహిళలకు భద్రత కల్పించడంతో పాటు ఈ కేసులో నిందితుడైన సంజయ్ రాయ్ని ఉరి తీయాలని డిమాండ్ చేస్తున్నారు. ఈ పాశవిక ఘటనను నిరసిస్తూ తమ గళాన్ని వినిపించిన ఓ నటికి రేప్ బెదిరింపులు వచ్చాయి.
కోల్కతా వైద్యురాలి రేప్-హత్య కేసుకు సంబంధించి బహిరంగంగా నిరసన వ్యక్తం చేసిన తర్వాత తనకు అత్యాచారం బెదిరింపులు, అసభ్యకరమైన సందేశాలు ముంచెత్తాయని తృణమూల్ కాంగ్రెస్ మహిళా నేత, నటి మిమీ చక్రవర్తి వెల్లడించింది. ఈ బెదిరింపులపై సహాయాన్ని కోరుతూ ఆమె కోల్కతా పోలీస్ సైబర్ సెల్ విభాగానికి ట్యాగ్ చేసింది.
AND WE ARE DEMANDING JUSTICE FOR WOMEN RIGHT????
— Mimi chakraborty (@mimichakraborty) August 20, 2024
These are just few of them.
Where rape threats has been normalised by venomous men masking themselves in the crowd saying they stand by women.What upbringing nd education permits this????@DCCyberKP pic.twitter.com/lsU1dUOuIs
నిరసనల్లో పాల్గొన్న మిమీ చక్రవర్తి
అంతకుముందు మిమీ చక్రవర్తి కోల్కతా వైద్యురాలి రేప్-హత్య కేసులో త్వరగతిన న్యాయం జరగాలని మహిళలు చేపట్టిన నిరసనల్లో పాల్గొన్నారు. వైద్యురాలిపై అత్యాచారం- హత్య చేయడమన్నది అత్యంత దురదృష్టకరమన్న నటి, ఈ వ్యవహారంలో సత్వర న్యాయం కావాలని మహిళలు, సోదరులు కోరుతున్నారని మాట్లాడారు. కోల్కతా ఇలాంటి నేరాలకు అడ్డా కాదని, వీటిని సభ్యసమాజం ఆమోదించదని మిమీ చక్రవర్తి స్పష్టం చేశారు.