విరాట్ కోహ్లీ.. ఈ భారత బ్యాటర్ గురించి తెలియని క్రికెట్ అభిమాని లేరు. మైదానంలో పరుగుల యంత్రం ఇతను.. అందుకే ఫ్యాన్స్ ఇతన్ని ముద్దుగా రన్ మెషిన్ అని పిలుస్తుంటారు. ఇక్కడ ఇంకో విషయం కూడా దాగుంది.. భారత క్రికెట్ మ్యాచ్‌కు హాజరయ్యే వంద శాతం ప్రేక్షకుల్లో దాదాపు సగం మంది విరాట్ ని చూడటానికే స్టేడియానికి వస్తారట. అంతటి అభిమానం విరాట్ అంటే. ఇది నిజం కాదని కొట్టిపారేయలేం.. ఎన్నో సర్వేలు ఆ గణాంకాలను బయటపెట్టాయి. అలాంటి మన స్టార్ బ్యాటర్ కోహ్లీ.. ఓ తెలుగు సినీ నటికి బావ అవుతారట. స్వయంగా ఆమె ఈ విషయాన్నివెల్లడించింది.
చి॥ల॥సౌ, హిట్ చిత్రాలతో మంచి గుర్తింపు తెచ్చుకున్న టాలీవుడ్ న‌టి రుహానీ శర్మకు విరాట్ కోహ్లీ బావ అట. ఈ భామ ప్రస్తుతం వెంకటేష్‌ కథానాయకుడిగా వ‌స్తున్న సైంధవ్ చిత్రంలో ఓ కీలక పాత్రలో నటించింది. ఈ సినిమా సంక్రాంతి కానుక‌గా జ‌న‌వ‌రి 13న ప్రేక్షకులు ముందుకు రానుండగా.. విడుద‌లకు సమయం ద‌గ్గర ప‌డ‌టంతో చిత్ర యూనిట్ ప్రమోష‌న్స్ షురూ చేశారు. ఈ ప్రమోష‌న్స్‌లో భాగంగా ఓ కార్యక్రమంలో రుహానీ శర్మ మీడియాతో పలు ఆస‌క్తిక‌ర విషయాలు పంచుకుంది. సైంధవ్ మూవీలో తాను డాక్టర్ రేణు పాత్రలో క‌నిపించ‌బోతున్నట్లు తెలిపిన ఈ ముద్దుగుమ్మ.. చిన్నప్పుడు తాను డాక్టర్ అవ్వాలని అనుకున్నానని కానీ ఆ క‌ల నెరవేరలేదని చెప్పుకొచ్చింది.
అనుష్క అక్క.. విరాట్ బావ
ఈ కార్యక్రమంలో యాంక‌ర్ ఒకరు విరాట్ కోహ్లీ, అతని సతీమణి అనుష్క శర్మతో రిలేషన్ షిప్ గురించి ప్రశ్నించగా.. ఈ భామ ఒక్కసారిగా వరసులు కలుపుతూ బాంబ్ పేల్చింది. "ఇది సీక్రెట్. నా పర్సనల్ విషయాలు ఎన్నడూ, ఎక్కడా ప్రస్తావించలేదు.. మీకెలా తెలిసింది? మీరు అడుగుతున్నారు కాబట్టి చెప్తున్నా.. అనుష్కా నాకు అక్క అవుతుంది. విరాట్ కోహ్లీ నాకు బావ అవుతారు. వారిద్దఅందరితో చాలా మంచిగా ఉంటారు. అందుకే వారంటే నాకు చాలా ఇష్టం.." అని రుహానీ వెల్లడించింది. దీంతో ఒక్కసారిగా నెటిజెన్స్ అందరూ రుహానీ శర్మ ఎవరని ఆరాతీస్తున్నారు.
