ఒకప్పుడు టాలీవుడ్ టాప్ హీరోయిన్‌‌‌‌గా ఒక వెలుగు వెలిగింది శ్రియ. ప్రస్తుతం సెలెక్టివ్‌‌‌‌గా సినిమాల్ని ఎంపిక చేసుకుంటూ ముందుకు సాగుతోంది. రాజమౌళి తెరకెక్కిస్తున్న ‘ఆర్ఆర్ఆర్’లో ఆమె నటిస్తున్నట్లు గతంలో వార్తలు వచ్చాయి. కానీ దీనిపై యూనిట్ రియాక్టవ్వకపోవడంతో పుకారేమో అనుకున్నారంతా. అది రూమర్ కాదని, ఫ్యాక్ట్ అని రీసెంట్‌‌‌‌గా శ్రియనే కన్‌‌‌‌ఫర్మ్ చేసింది. సోషల్ మీడియాలో అభిమానులతో చాట్ చేసిన శ్రియ.. తన నెక్స్ట్‌ ప్రాజెక్టుల గురించి చెప్పింది. తెలుగులో రెండు చిత్రాలకు ఓకే చెప్పానని, అందులో ‘ఆర్ఆర్ఆర్’ ఒకటని అంది. ఈ సినిమాలో ఫ్లాష్ బ్యాక్ ఎపిసోడ్‌‌‌‌లో అజయ్ దేవగన్ సరసన నటించబోతున్నట్లు రివీల్ చేసింది. అంటే ‘ఛత్రపతి’ చేసిన దాదాపు పదిహేను సంవత్సరాల తరువాత మళ్లీ జక్కన్న డైరెక్షన్లో కనిపించబోతోంది. రాజమౌళి సినిమాలో కామియో చేసినా కలకాలం గుర్తుండిపోయేలానే ఉంటుంది. అందులోనూ అజయ్ దేవగన్ పక్కనాయె. మొత్తానికి మంచి చాన్సే కొట్టింది.
For More News..
