ఎన్టీఆర్ (NTR) అభిమానులంతా ఎంతగానో ఎదురుచూస్తున్న మూవీ దేవర (Devara). ఆర్ఆర్ఆర్ తరువాత ఎన్టీఆర్ నుంచి వస్తున్న మూవీ కావడంతో నందమూరి ఫ్యాన్స్ వేయికళ్లతో ఈ సినిమా కోసం వెయిట్ చేస్తున్నారు. ఈ మూవీ వరల్డ్ వైడ్ గా సెప్టెంబర్ 27న రిలీజ్ కానుంది. అంటే సరిగ్గా రిలీజ్కు నెల రోజుల్లో దేవర ఆగమనం ఉందన్నమాట.
ఈ సినిమాలో ఎన్టీఆర్ డ్యూయల్ రోల్ చేస్తున్నట్టు సమాచారం.ఎన్టీఆర్ ఇందులో తండ్రి, కొడుకులుగా కనిపిస్తారంటూ గుసగుసలు వినిపిస్తున్నాయి. తాజాగా దేవర మేకర్స్ రిలీజ్ చేసిన పోస్టర్ తో ఓ క్లారిటీ వచ్చింది. దేవ్‌-వరగా ఎన్టీఆర్ తండ్రి-కొడుకుల పాత్రల్లో అలరించబోతున్నాడని ప్రస్తుతం ప్రచారం మొదలైంది. అయితే దీనిపై ఇప్పటి వరకు మూవీ టీం నుంచి క్లారిటీ రాలేదు. అలాగే ఈ సినిమాలో జాన్వీతో పాటు మరో హీరోయిన్ ని కూడా సెలక్ట్ చేశారు డైరెక్టర్.
ఎన్టీఆర్ సరసన మరాఠీ నటి శ్రుతి మరాఠే(Shruti Marathe)ని ఎంచుకున్నారట. దేవరలో నటిస్తున్నట్లు ఆమె స్వయంగా వెల్లడించింది. ఇటీవలే ఓ ఇంటర్వ్యూలో శ్రుతీ మాట్లాడుతూ..'దేవరలో సినిమాలో నేను భాగం అయినట్లు సోషల్ మీడియా ద్వారా అందరికీ తెలిసింది. అందులో నేను దేవరకు భార్యగా కనిపిస్తాను. ఈ చిత్రం కోసం ఎన్టీఆర్ అభిమానుల మాదిరే నేను కూడా ఎంతో ఆసక్తిగా ఎదురుచూస్తున్నా.' అని చెప్పారు. దీంతో ఎన్టీఆర్ ఫ్యాన్స్ అంత..శృతి మరాఠే ఎవరనేది తెగ సెర్చ్ చేస్తున్నారు.
అలాగే తారక్‌ అంటే చాలా ఇష్టం అని శ్రుతి మరాఠే పోస్ట్ చేయడంతో..ఈ వార్త నిజమేనంటూ ఫ్యాన్స్ షేర్ చేస్తున్నారు. మరి దేవరలో ఆమెకు హీరోయిన్ గా ఛాన్స్‌ వస్తే మాత్రం..టాలీవుడ్లో ఫేమస్ అవ్వడం కన్ఫర్మ్. కానీ,ఇప్పటివరకు దేవర మేకర్స్ ఈ విషయంపై క్లారిటీ ఇవ్వలేదు. త్వరలో దేవర మేకర్స్ నుంచి శ్రుతి మరాఠే నటిస్తున్న విషయంపై ఆఫీసియల్ అనౌన్స్ మెంట్ వచ్చే అవకాశం ఉంది. ఇప్పటికే ఇందులో జాన్వీకపూర్‌ తంగం అనే పాత్రలో నటిస్తున్న విషయం తెలిసిందే.
శ్రుతి మరాఠే విషయానికి వస్తే..
శ్రుతి మరాఠే..గుజరాత్ రాష్ట్రానికి చెందిన సినిమా నటి. ఆమె మరాఠ, హిందీ,తమిళ మూవీస్ లో నటించి మంచి పేరు తెచ్చుకుంది. 2008లో మరాఠీలో వచ్చిన సనై చౌఘడే సినిమాతో ఎంట్రీ ఇచ్చింది.ఇక ఎన్టీఆర్ సరసన దేవరలో నటిస్తుందని సోషల్ మీడియాలో వైరల్ అవుతుండగా..శ్రుతి మరాటే కూడా రియాక్ట్‌ అయింది. తారక్‌ అంటే చాలా ఇష్టం అని ఆమె పోస్ట్ చేయడంతో..ఈ వార్త నిజమేనంటూ ఫ్యాన్స్ షేర్ చేస్తున్నారు. మరి దేవరలో ఆమెకు హీరోయిన్ గా ఛాన్స్‌ వస్తే మాత్రం..టాలీవుడ్లో ఫేమస్ అవ్వడం కన్ఫర్మ్. కానీ,ఇప్పటివరకు దేవర మేకర్స్ ఈ విషయంపై క్లారిటీ ఇవ్వలేదు. త్వరలో దేవర మేకర్స్ నుంచి శ్రుతి మరాఠే నటిస్తున్న విషయంపై ఆఫీసియల్ అనౌన్స్ మెంట్ వచ్చే అవకాశం ఉంది.
