గద్వాల, వెలుగు : ఇంటర్ సప్లిమెంటరీ ఎగ్జామ్స్ కు పకడ్బందీగా ఏర్పాట్లు చేయాలని అడిషనల్ కలెక్టర్ అపూర్వ్ చౌహాన్ ఆఫీసర్లను ఆదేశించారు. శుక్రవారం కలెక్టర్ మీటింగ్ హాల్ లో సంబంధిత ఆఫీసర్లతో రివ్యూ నిర్వహించారు. ఈ సందర్భంగా ఆయన మాట్లాడుతూ ఈ నెల 24 నుంచి జూన్ 3 వరకు ఇంటర్ సప్లిమెంటరీ పరీక్షలు జరుగుతాయని, మాస్ కాపీయింగ్ జరగకుండా ఫ్లయింగ్, సిట్టింగ్ స్క్వాడ్ లను నియమించాలని సూచించారు.
పరీక్ష కేంద్రాల వద్ద 144 సెక్షన్ అమలులో ఉంటుందని, పటిష్ట బందోబస్తు ఏర్పాటు చేయాలన్నారు. జిల్లాలో 3,664 మంది విద్యార్థులు పరీక్ష రాయనుండగా, 9 సెంటర్లు ఏర్పాటు చేసినట్లు తెలిపారు. ఆర్డీవో రాంచందర్, డీఎస్పీ సత్యనారాయణ, డీఐఈవో హృదయరాజు, డిప్యూటీ డీఎంహెచ్వో సిద్దప్ప
పాల్గొన్నారు.
మహబూబ్ నగర్ కలెక్టరేట్ : సమన్వయంతో పని చేసి ఇంటర్ సప్లిమెంటరీ పరీక్షలను పక్కాగా నిర్వహించాలని డీఆర్వో కేవీవీ రవికుమార్ సూచించారు. కలెక్టరేట్ లో సంబంధిత అధికారులతో రివ్యూ నిర్వహించారు. జిల్లాలో 21 పరీక్ష కేంద్రాల్లో 6,585 ఫస్ట్ ఇయర్, 3,719 మంది సెకండ్ ఇయర్ స్టూడెంట్లు పరీక్ష రాయనున్నట్లు చెప్పారు. మొత్తం10,304 మంది పరీక్షలకు హాజరవుతున్నట్లు తెలిపారు. డీఐఈవో శ్రీధర్ సుమన్, డీఈసీ మెంబర్లు ఉమా మహేశ్వర్, రవీందర్ పాల్గొన్నారు.
