- అడిషనల్ కలెక్టర్ ఆగ్రహం..
దహెగాం, వెలుగు: దహెగాం మండల కేంద్రం లోని పీహెచ్సీకి ఆకస్మిక తనిఖీకి వచ్చిన అడిషనల్ కలెక్టర్ దీపక్ తివారి అవాక్కయ్యారు. సాయంత్రం నాలుగింటికే పీహెచ్సీకి తాళం పడటంతో ఆయన ఆగ్రహించారు. వెంటనే సంబంధిత అధికారులపై చర్యలు తీసుకోవాలని డీఎంహెచ్ఓకు చెప్పారు.
అనంతరం మండలంలోని పెసరిగుంట గ్రామాన్ని సందర్శించి అక్కడి సమస్యలు అడిగి తెలుసుకున్నారు. భారీ వర్షాలు ఉన్నాయని, ప్రజలు జాగ్రత్తగా ఉండాలని చెప్పారు. ఏపీఎం చంద్రశేఖర్, ఆర్ఐ నాందేవ్, సర్వేయర్ ధన్రాజ్పాల్గొన్నారు.
