నారాయణపేట, వెలుగు : ప్రజా పాలనలో భాగంగా వచ్చే దరఖాస్తులను వెంటనే అప్లోడ్ చేయాలని అడిషనల్ కలెక్టర్ మయాంక్ మిత్తల్ సూచించారు. శుక్రవారం నారాయణపేట మున్సిపల్ ఆఫీస్ను ఆయన తనిఖీ చేశారు. ప్రజా పాలనలో వచ్చిన దరఖాస్తుల అప్ లోడ్ ను పర్యవేక్షించారు.
వచ్చిన దరఖాస్తులను వెంటనే ఆన్లైన్ లో నమోదు చేయాలన్నారు. అనంతరం మున్సిపల్ ఆఫీస్ ఆవరణలో కొనసాగుతున్న షీ టాయిలెట్ బ్లాక్, మీటింగ్ హాల్ నిర్మాణ పనులను పరిశీలించారు. పనులను త్వరగా పూర్తి చేయించాలని మున్సిపల్ కమిషనర్ సునీతకు సూచించారు.
