జనగామ అర్బన్, వెలుగు : ఈ నెల 16 నుంచి 21 వరకు జిల్లా స్థాయి సీఎం కప్క్రీడాపోటీలు జరుగనున్న నేపథ్యంలో ఏర్పాట్లను పకడ్బందీగా చేయాలని జనగామ అడిషనల్ కలెక్టర్ పింకేశ్ కుమార్ తెలిపారు. శుక్రవారం జిల్లా కేంద్రంలోని ధర్మకంచ మినీ స్టేడియంలో పోటీల నిర్వహణకు ఏర్పాట్లను ఆయన పరిశీలించారు.
అంతకుముందు ఆయన పెంబర్తి గ్రామ పంచాయతీ పరిధిలో జరుగుతున్న ఇందిరమ్మ ఇళ్ల సర్వే ప్రక్రియను పరిశీలించారు. కార్యక్రమంలో సీఈవో సరిత, డీవైఎస్వో వెంకట్ రెడ్డి, సంబంధిత జిల్లా అధికారులు తదితరులు పాల్గొన్నారు.
