'జబర్దస్త్' (Jabardasth).. ఈ షో ఎంతో మంది కళకళారులను గుర్తిస్తోంది. ఇప్పటివరకు జబర్దస్త్ నుంచి సినిమాలలో అలరించడానికి కమెడియన్లు వచ్చారు. హీరోలొచ్చారు. అలాగే మరికొంతమంది టాక్ షోస్కి హోస్ట్గా వచ్చారు. ఇక ఇప్పుడు ట్రెండ్ సెట్ చేసేలా జబర్ధస్థ్ కమెడియన్లు ఒక్కొక్క‌రుగా డైరెక్ట‌ర్లుగా మారుతోన్నారు.
అల్టిమేట్ తెలంగాణ ఎమోషనల్ 'బ‌లగం' మూవీతో డైరెక్టర్గా ఎంట్రీ ఇచ్చిన వేణు ఎల్దండి బిగ్గెస్ట్ సక్సెస్ అందుకుని స్టార్ హీరోలకి కథలు చెప్పి సినిమాలు తీయబోతున్నాడు. ఇటీవలే రామం రాఘ‌వం మూవీతో మరో జబర్ధస్థ్ కంటెస్టెంట్ ధ‌న్‌రాజ్ కూడా ద‌ర్శ‌కుడిగా మారబోతున్నాడు. ఈ క్రమంలో మరో జబర్ధస్థ్ క‌మెడియ‌న్ 'అదిరే అభి' (Adhire Abhi) డైరెక్టర్గా తన డెబ్యూ ఫిల్మ్తో టాలీవుడ్ లోకి ఎంట్రీ ఇస్తున్నాడు.
దీపావళి సందర్బంగా అదిరే అభి తను డైరెక్టర్గా డెబ్యూ ఇస్తున్నాను అంటూ పోస్టర్ రిలీజ్ చేసి షాక్ ఇచ్చాడు. తాజాగా ఈ సినిమా టైటిల్ పోస్టర్ అనౌన్స్ చేస్తూ వీడియో రిలీజ్ చేశాడు. యంగ్ హీరో రాజ్ త‌రుణ్ హీరోగా 'చిరంజీవ' (CHIRANJEEVA) పేరుతో ఓ మైథ‌లాజిక‌ల్ థ్రిల్ల‌ర్ వెబ్ సిరీస్‌ను తెర‌కెక్కిస్తోన్నాడు. ఈ వెబ్ సిరీస్ ప్రముఖ తెలుగు ఆహా ఓటీటీలో డిసెంబ‌ర్‌లో రిలీజ్ కాబోతున్నట్లు సమాచారం.
ఎ రాహుల్ యాదవ్ మరియు సుహాసిని రాహుల్ నిర్మించిన ఈ వెబ్ సిరీస్కు అచ్చు రాజ‌మ‌ణి సంగీతం అందిస్తోన్నాడు. త్వరలో ఈ చిరంజీవ వెబ్ సిరీస్ నుంచి మరిన్ని వివరాలు ప్రకటించే అవకాశం ఉంది. ఇకపోతే ఎన్నో షోస్తో అలరించిన జబర్ధస్థ్ క‌మెడియ‌న్ 'అదిరే అభి'.. డైరెక్టర్గా ఎలాంటి కథతో వస్తున్నడో తెలియాలంటే మరికొన్ని రోజులు ఆగాల్సిందే.
