వేములవాడ, వెలుగు: ప్రజలకు అందుబాటులో ఉంటూ సమస్యల పరిష్కారానికి కృషి చేస్తానని ప్రభుత్వ విప్, వేములవాడ ఎమ్మెల్యే ఆది శ్రీనివాస్ హామీ ఇచ్చారు. ఆదివారం వేములవాడ పట్టణంలోని మున్నూరు కాపు, ఆర్యవైశ్య వాసవీ సంఘం నిత్యాన్నదాన సత్రంలో ఆత్మీయ సమ్మేళనం నిర్వహించారు. ఈ సందర్భంగా ఆయన మాట్లాడుతూ తన విజయానికి కృషి చేసిన ప్రతిఒక్కరికి ధన్యవాదాలు తెలిపారు. రానున్న రోజుల్లో ప్రభుత్వ అండదండతో సంఘాల అభివృద్ధికి ప్రత్యేకంగా కృషి చేస్తానని హామీ ఇచ్చారు. ఈ సందర్భంగా సంఘ నాయకులు ఆయనను గజమాలతో సత్కరించారు. కార్యక్రమంలో మున్నూరుకాపు సంఘం అధ్యక్షుడు బింగి శ్రీనివాస్, ప్రధాన కార్యదర్శి సోమినేని మహేశ్, ఆర్యవైశ్య సంఘం అధ్యక్షుడు బుస్స శ్రీనివాస్, ప్రధాన కార్యదర్శి కొత్తపల్లి శ్రీనివాస్, కట్కం కిషన్, నగుబోతు రవీందర్, దశరథం పాల్గొన్నారు.
రుద్రంగిలో సంబురాలు
చందుర్తి: ప్రభుత్వ విప్ గా నియామకమయ్యాక ఎమ్మెల్యే ఆది శ్రీనివాస్తొలిసారి ఆదివారం సొంత గ్రామం రుద్రంగికి వచ్చారు. ప్రజలు డప్పు చప్పులు పూలదండలతో మంగళ హారతులతో ఘన స్వాగతం పలికారు. ఈ సందర్భంగా రుద్రంగిలో అంబేద్కర్ విగ్రహానికి నివాళులర్పించి భారీ ర్యాలీ నిర్వహించారు. అనంతరం ఎమ్మెల్యే మాట్లాడుతూ ఐదేళ్లు సేవకుడిగా పనిచేస్తాననన్నారు. కార్యక్రమంలో సర్పంచ్ తర్రె ప్రభలత, లీడర్లు పొద్దుపొడుపు లింగారెడ్డి, తిరుపతి, గంగ మల్లయ్య, గంగ నరసయ్య, కార్యకర్తలు పాల్గొన్నారు
