వేములవాడ, చందుర్తి, వెలుగు : అధికార పార్టీ ఎన్ని కుట్రలు చేసినా, డబ్బులు పంచినా ప్రజల మనస్సును గెలుచుకోలేరని వేములవాడ కాంగ్రెస్ అభ్యర్థి ఆది శ్రీనివాస్ అన్నారు. శుక్రవారం వేములవాడలో నిర్వహించిన సమావేశంలో సుమారు 200 మంది టీడీపీ లీడర్లు, కార్యకర్తలు కాంగ్రెస్‌‌‌‌లో చేరారు. ఈ సందర్భంగా ఆయన శ్రీనివాస్ మాట్లాడుతూ వేములవాడ గడ్డపై ఓ బీసీ బిడ్డ ఎదగడం ఓర్వలేక అగ్రకులాల వారు దాడులకు దిగుతున్నారని ఆరోపించారు.
యువత కాంగ్రెస్ విజయానికి పాటు పడాలన్నారు. కార్యక్రమంలో లీడర్లు చంద్రగిరి శ్రీనివాస్ గౌడ్, రాంబాబు, ఉపేందర్ గౌడ్, శ్రీధర్, మహ్మద్, కిషన్, ప్రవీణ్ గౌడ్ పాల్గొన్నారు. అంతకుముందు చందుర్తి, రుద్రంగి మండలాల్లో మున్నూరుకాపు సంఘం, ముదిరాజ్సంఘం నాయకులు ఆది శ్రీనివాస్‌‌‌‌కు మద్దతు ప్రకటించారు. అనంతరం రుద్రంగి మండల కేంద్రంలో టపాసులు పేల్చి బతుకమ్మ ఆటలు ఆడుతూ ర్యాలీ నిర్వహించారు.
