వేములవాడ, వెలుగు: కొట్లాడి తెచ్చుకున్న తెలంగాణను కేసీఆర్కుటుంబం వారి సొత్తుగా మార్చుకున్నారని, బీఆర్ఎస్ పార్టీని ప్రతి పల్లెలో తిరస్కరిస్తున్నారని వేములవాడ కాంగ్రెస్ అభ్యర్థి ఆది శ్రీనివాస్ అన్నారు. శనివారం కథలాపూర్, వేములవాడ అర్బన్ మండలంలో ఎన్నికల ప్రచారం నిర్వహించారు.
ఈ సందర్భంగా ఆయన మాట్లాడుతూ ఓడిపోతున్నామని బీఆర్ఎస్ లీడర్లు నోటికి వచ్చినట్లు మాట్లాడుతున్నారన్నారు. అంతకుముందు మున్సిపల్ కార్మికులతో సమావేశమై కాంగ్రెస్‌‌‌‌కు ఓటేయాలని కోరారు. కూరగాయల మార్కెట్ లో వివిధ గ్రామాల నుంచి వచ్చిన రైతులను, వ్యాపారులను కలిసి తనను గెలిపించాలని కోరారు.
